Një 72-vjeçar nga Mallakastra dyshohet se është vetëvrarë me armë gjahu.
Ngjarja ka ndodhur në fshatin Belishovë pasditen e sotme dhe viktima është Namik Ametaj.
“Në datën 01.12.2018, rreth orës 13:55, në fshatin Belishovë, Mallakastër, në banesë, dyshohet se është vetëvrarë me armën e tij të gjahut shtetasi N.A, 72 vjeç”, sqaron policia.
Sipas policisë arma me të cilën viktima ka vrarë veten ishte me leje në emër të viktimës.
Grupi hetimor po punon për zbardhjen e plotë të ngjarjes.