Një grua 43 vjeçare, shtetasja me iniciale Sh.R., është gjendur e vdekur në Pejë dhe si autor i dyshuar i krimit është i shoqi.
“Sot më 24 8 rreth orës 12.50 një qytetar ka informaur policinë se në rrugën “Remzi Hasani” në Pejë një person i gjinisë femërore ka qenë e shtrirë në rrugë dhe është identifikuar. Sh.R e lindur më 1975 nga Gjakova”, konfirmohet në një njoftim të Policisë së Kosovës.
Policia së bashkë me autoambulancën e kanë dërguar viktimën në spital ku është konstatuar edhe vdekja e saj. “Njësitë relevante kanë dalë në vendin e ngjarjes. Është njoftuar prokurori i shtetit. Është shikuar vendi i ngjarjes”, shkruhet më tej në njoftim.
Ndërkohë, burime brenda hetuesisë kanë bërë me dije se gruaja, anëtare e komunitetit rom, dyshohet të jetë vrarë nga bashkëshorti i saj.