Lëmshit të menaxhimit të pandemisë i është shtuar sot edhe një tjetër nyje. Një shkencëtar nga universiteti i Yale në SHBA, epidemiologu Harvey Risch, ka deklaruar gjatë një interviste televizive se përdorimi masiv i hidroksiklorokinës mund të shpëtojë në Amerikë 75 000-100 000 njerëz.
Unë besoj se ilaçi mund të përdoret si profilaktik për punonjësit e vijës së parë siç është bërë në Indi
tha ai.
Lexo me tej:
Teoritë konspirative/A ra miti i profesorit që zbuloi mjekimin kundër Covid 19
Sipas tij tanimë është aktivizuar një propagandë lufte kundër përdorimit të hidroksiklorokinës për qëllime politike, por jo bazuar mbi fakte mjekësore. Komentet e tij dalin kundër vendimeve të javëve më parë të autoriteteve për të pezulluar përdorimin e medikamentit pasi nuk jep rezultate. Edhe një qendër shëndetësore në Miçigan ka deklaruar se përdorimi i hershëm i ilaçit ul ndjeshëm rrezikun e vdekjes nga CoVid-19 dhe e ul madje me 66%, kurse në kombinim me azitromicinën kjo përqindje shkon në 71%.
Ky është një mesazh që në fakt shkon pro qëndrimeve publike të presidentit Donald Trump dhe rikthen për diskutim shkencor përdorimin e këtij ilaçi, ndërkohë që në botë po eksperimentohet thuajse gjithçka që mendohet se ka efekte. Cilado qoftë e vërteta e këtij rasti, duhet thënë se autoritetet mjekësore në botë u bënë pis nga kjo pandemi dhe e kompromentuan keq imazhin apo besueshmërinë e tyre.