Në Maqedoninë e Veriut janë regjistruar 364 raste me koronavirus në 24 orët e fundit. Ky është numri më i lartë i të prekurve nga virusi që nga fillimi i pandemisë në shtetin fqinj. Instituti për Shëndetin Publik në Maqedoninë e Veriut raportoi tre viktima nga virusi.
106 persona janë shëruar në 24 orët e fundit. Në total në Maqedoninë e Veriut janë regjistruar 19.777 raste me koronavirus, prej të cilëve 775 kanë humbur betejën me SarsCov 2.