• |
ide | kryesore

SMS, seks, gatim…/ Gjërat e pabesueshme që bëjnë njerëzit në gjumë

Arkiva, Lapsi Leaks

Përgatitja e një vakti gjatë natës dhe harresa e tij në mëngjes nuk është e vetmja gjë e çuditshme që mund të jeni duke bërë, teksa flini.


Episodet që mund t’ju ndodhin kur jeni të pavetëdijshëm variojnë dhe bëhen të habitshme. Sjelljet “jo fort të zakonshme”, sipas Fondacionit Amerikan të Gjumit, prekin 10% të popullatës. Përgjithësisht dy shkaktarët kryesorë të këtyre ndodhive janë mungesa e gjumit dhe stresi.


Mesazhet

Dërgimi i mesazheve me tekst ndërsa dikush fle, duken shumë të çuditshme, por nuk është fenomen befasues, meqë numri i njerëzve që flenë me telefonin pranë është shumë i madh. Një studim i Universitetit Villanova zbuloi se nga 300 studentë, 35 përqind e tyre çonin mesazhe kur flinin. Kjo nuk është gjë e dëmshme, por ama disi e sikletshme.

Ecja nëpër shtëpi

Ecja në gjumë ndodh në fazën e tretë dhe të thellë të gjumit. Për shkak të kësaj, mund të jetë e vështirë për t’i zgjuar këta persona, kështu situata mund të bëhet “e rrezikshme”. Por pasojat ditën e nesërme mund të jenë më serioze. Të rriturit që ecin nëpër gjumë kanë një përgjumjeje të lartë gjatë ditës, ndjesi dobësie dhe simptoma ankthi.

Ngarja e makinës

Disa nga gjërat që mund të bëni në gjumë mund të jenë të rrezikshme për sa kohë personi largohet nga shtëpia. Nuk janë të paprecedentë rastet kur njerëzit që flenë, i hipin makinës dhe fillojnë të udhëtojnë. Në të tilla raste ka pasur edhe aksidente.

Përgatitja dhe ngrënia e ushqimit

Studiuesit tregojnë se ata dinë raste të njerëzve që shkojnë në kuzhinë në mes të natës dhe hanë pa mendje qepë të gjalla, sikur të ishin mollë. Në mëngjes këta persona zgjoheshin pa e pasur idenë se çfarë u kishte ndodhur. Gjithashtu njerëzit në dieta kanë më shumë prirje të flenë dhe të hanë ushqim gjatë gjumit. Ushqimet që konsumohen janë përgjithësisht me shumë kalori, por ka edhe nga ato që nuk janë aspak ushqim, si për shembull akulli. Nuk është çudi që ngrënia përgjumësh mund të shkaktojë shëndoshje, probleme me dhëmbët ose dëmtime gjatë përgatitjes së ushqimit.

Të bërit seks

Gjumi dhe seksi mund të ndodhin te njerëzit që nuk janë të vetëdijshëm. Sipas kërkimit, ‘seksomia’ u raportua te 8 për qind e pacientëve me çrregullime klinike të gjumit dhe ndodhte tri herë më shpesh te meshkujt, se sa te femrat. Një specialist thotë se aktiviteti seksual i lidhur me gjumin është më i zakonshëm nga sa mund ta mendojnë shumica e njerëzve.

Lini një Përgjigje

Adresa juaj email s’do të bëhet publike.

Kthehu