• |
ide | kryesore

Vrau babë e bir, Olsi Leku dyshohet edhe për një tjetër ekzekutim

-Instant, Arkiva, Lajme, Të fundit

Olsi Leku, i arrestuar në Athinë për shkak të kërkesës së Interpol Tiranës, pasi është i dyshuar për vrasjen e Gentjan Beqirit dhe babait të tij Nezir Beqirit në gusht të 2012, dyshohet të jetë edhe autori i ekzekutimit të vëllait të ish-agjentit të policisë, Roland Rexhepi, biznesmenit dhe presidentit të një firme private rojesh, Ilir Rexhepi, vrasje e ndodhur në qendër të qytetit të Elbasanit buzë një lokali që viktima Ilir Rexhepi sapo e kishte lënë.


Siç mëson ekskluzivisht Abc News, Olsi Leku dyshohet të jetë autori i këtij ekzekutimi nisur nga karakteristikat që disponon policia e Elbasanit nga këqyerja e kamerave të sigurisë në atë zonë.


Më datë 30 dhjetor 2011, Ilir Rexhepi sapo është ngjitur në mjetit tip Benz me ngjyrë gri, kur në afërsi të derës së parme të pasagjerit i është afruar një person, i cili e ka qëlluar atë me gati 11 plumba nga një armë e modifikuar. Rexhepi, edhe pse është përshkuar disa herë nga plumbat, ka mundur të nxjerrë nga kroskoti i makinës një armë tip pistoletë, me të cilën ka mundur të qëllojë vetëm një herë ndaj ekzekutorit, i cili ka mundur të largohet edhe pse i plagosur.

Burimet bëjnë me dije se autori ka mundur të ecë disa metra derisa është futur në rrugicën ku ndodhet edhe shkolla 9-vjeçare Thoma Kalefi.

Policia pas ngjarjes mundi të mbledhë prova, mes të cilave një kampion gjaku, i cili gjatë krahasimeve që i është bërë kësaj mostre gjaku nuk është përputhur me atë të viktimës, ç’ka ka lënë të nënkuptohet se i përket autorit që i ka marrë jetën Ilir Rexhepit.

Pas ngjarjes policia në atë kohë ndaloi për disa ditë shtetasin Bledar Muça, por pasi iu mor mostra e gjakut këtij shtetasi, rezultoi se nuk kishte përputhshmëri nëpërmjet analizës së ADN-së.

Policia dhe prokuroria e Elbasanit pritet që pas ekstradimit të Olsi Lekës në Shqipërisë nga Greqia t’i marrë këtij të fundit analizën e gjakut për ta krahasuar atë me gjurmën e gjakut që policia në vitin 2001 gjeti në vendin ku u ekzekutua Ilir Rexhepi.

Sipas të dhënave ka dyshime të forta që implikojnë Olsi Lekun i shpallur në kërkim ndërkombëtar në datë 12 qershor të 2020 për ekzekutimin e Gentian dhe Nezir Beqirit të ekzekutuar në banesën e tyre.

Lini një Përgjigje

Adresa juaj email s’do të bëhet publike.

Kthehu