Dy të rinj janë vënë në pranga pasi merrnin në Itali para false dhe i hidhnin në treg në Shqipëri.
“Në pranga kanë rënë dy të rinjtë nga Kruja, A. B., 21 vjeç, dhe E. K., 21 vjeç, pasi në bashkëpunim me njëri-tjetrin siguronin nga Italia kartmonedha euro të prerjeve të ndryshme të dyshuara të falsifikuara, dhe më pas i hidhnin në treg nëpër subjekte të ndryshme në Tiranë.” – njofton mes të tjerash policia.
Detaje nga policia:
Specialistët e Seksionit për Hetimin e Krimit Ekonomik dhe Financiar organizuan dhe finalizuan operaconin policor të koduar “Konvertimi” në kuadër të të cilit bënë arrestimin në flagrancë të shtetasve:
A. B., 21 vjeç dhe E. K., 21 vjeç, të dy banues në Krujë.
Këta dy shtetas në bashkëpunim me njëri-tjetrin siguronin nga Italia kartmonedha euro të prerjeve të ndryshme të dyshuara të falsifikuara, dhe më pas i hidhnin në treg nëpër subjekte të ndryshme në Tiranë.
Materialet u referuan në Prokurorinë pranë Gjykatës së Shkallës Parë Tiranë, për veprat penale “Falsifikim i monedhave “Mashtrimi” dhe “Shkelje e të drejtës së pronësisë industriale”.