Dënim i pezulluar: Lucas Hernandez për momentin nuk do të shkojë në burg një kohë të gjatë. Gjykata Provinciale e Madridit në fakt ka pranuar ankimimin e paraqitur nga mbrojtësi i Bayernit pas urdhrit të arrestit për krime të lidhura me dhunën në familje.
Padia daton në shkurt 2017, kur më i madhi nga vëllezërit Hernandez luante te Atletico Madrid: ai dhe gruaja e tij Amelia de la Osa Lorente u grindën në rrugë e francezi sipas rikonstruksioneve të ngjarjes e ka rrahur. Gjykata e Madridit i dënoi të dy me 31 ditë shërbime sociale dhe i pengon ata të afrohen ose të komunikojnë për gjashtë muaj. Pavarësisht kufizimeve, të dy (të pajtuar) vendosën të shkojnë së bashku në muajin e mjaltit në Majami dhe, në kthim, fillimisht u arrestuan dhe, më pas, u lanë të lirë.
Vendimi i sotëm pezullon dënimin me 4 vjet burg, me kusht që Hernandez të mos kryejë asnjë krim tjetër gjatë kësaj periudhe. Pezullimi i nënshtrohet edhe pagesës së gjobës prej 400 euro në ditë për 240 ditë. Nëse nuk plotësohen kushtet, mbrojtësi do të arrestohet.