Borussia Dortmund rigjen sulmuesin Haaland dhe kalon përkohësisht në krye të Bundesligës. Verdhezinjtë shembin Wolfsburgun 3-1 me përmbysje: pas Emre Can dhe Malen, norvegjezi hyn në minutën e 73 dhe shënon në vetëm 8 minuta lojë. Në pritje të Bayernit, Borussia shkon në +8 ndaj Freiburgut të vendit të tretë, i mundur 2-1 nga Bochum. Fitore spektakolare 6-3 për Hoffenheim në Furth, Këln mundi Borussia Mönchengladbach 4-1, ndërsa Hertha Berlin-Augsburg ndahen në paqe 1-1.
BOCHUM – FREIBURG 2-1
Freiburgu nuk arrin më të bëjë pikë në Bundesligë. Të besuarit e Streich humbën 2-1 në fushën e Bochum dhe pësuan humbjen e tretë radhazi, duke mbetur në vendin e tretë, por gjithnjë e më larg luftës për titull. Miqtë arritën të kalojnë në avantazh në minutën e 6′ të pjesës së dytë, kur Lienhart goditi me kokë në zhvillimet e një goditje dënimi të Grifos për të shënuar 1-0, të vërtetuar me ndihmën e Var. Bochum, megjithatë, u përgjigj menjëherë me golin e Polter në asistin e Holtmann dhe përmbysi ndeshjen në minutën e 82 me golin e fitores së Pantoviçit, që vlen për rezultatin 2-1. Freiburg u ndal në 22 pikë, Bochum ngjitet në kuotën 16.
KOLN – BORUSSIA MÖNCHENGLADBACH 4-1
Këlni shkatërron 4-1 Borussia Mönchengladbach, duke dalë nga zona e ftohtë në fundin e renditjes. Në pjesën e parë miqtë iu afruan golit me Zakarian, goditja e të cilit u përplas në shtyllën e djathtë. Ishin vendasit ata që lëvizën të parët në tabelë me Ljubicic, i cili dërgoi në rrjetë në minutën e 55, topin për 1-0. Borussia përgjigjet dhe godet një tjetër shtyllë me Pléan, përpara se të gjente golin e barazimit në minutën e 74 me Holfmann, i përsosur në lëvizjen në zonë dhe ndëshkimin e portierit kundërshtar. Në dy minuta, megjithatë, Këlni e mbylli lojën: Uth nënshkroi avantazhin e ri në minutën e 77, pak më vonë Duda përfitoi nga një rikthim i favorshëm i topit për të nënshkruar 3-1, ndërsa Andersson shënoi golin e fundit 4-1 në minutën e 93. Dy skuadrat tashmë janë me 18 pikë, diku në pikën mes ëndrrës evropiane dhe makthit të zonës së rënies.
FURTH – HOFFENHEIM 3-6
Hoffenheim mbetet në betejë të plotë për një vend në Evropë falë një suksesi spektakolar 6-3 në Furth. Vendasit kaluan në avantazh me goditjen e Leweling në minutën e 22, miqtë ndezën sinjalin për parakalim që para mbylljes së pjesës së parë me Bebou dhe Rutter. Sapo ndeshja rifilloi, Tillman fiksoi barazimin duke e cuar topin nën traversë, por më pas Hoffenheim zgjidhi gjithcka brenda dhjetë minutave: Rutter dhe Bebou shënuan dygolëshit personale në minutat e 58 dhe 62, autogoli i Meyerhofer drejton qartë lojën në favor të miqve 5-2. Hirgota në minutën e 68 dha pak shpresë me golin e 3-5, por Hoffenhaim mbylli çdo diskutim me një trigolësh të Bebou në minutën e 80. Hoffenheim ngjitet në 20 pikë, Furth është ende i fundit me një.
HERTHA BERLIN – AUGSBURG 1-1
Hertha Berlin arrihet nga Augsburg në minutën e 97 në ndeshjen mbijetësë të javës, e cila përfundoi me një 1-1 plot keqardhje për berlinezët. Mikpritësit u bënë menjëherë të rrezikshëm me Belfodil, i ndalur nga një pritje e mirë e Gilkiewicz dhe kaluan në avantazh 1-0 në fund të pjesës së parë me Rihter, në ndeshjen e tij të parë kundër skuadrës në të cilën kishte luajtur që te moshat. Në pjesën e dytë, dyfishimi i mundshëm i Torunarighës u anulua për pozicion jashtë loje, ndërsa miqtë gjetën barazimin në minutën e 97 me goditjen me kokë të Gregoritsch në krosimin e Jensen. Augsburg mbetet i treti nga fundi, duke u ngjitur në 13 pikë, Hertha ruan pikën e diferencës.
WOLFSBURG – BORUSSIA DORTMUND 1-3
Borussia Dortmund ka reaguar ndaj eliminimit nga Champions League me fitoren 3-1 ndaj Wolfsburg. Ujqit zhbllokuan ndeshjen pas vetëm dy minutash me goditjen me kokë të Weghorst, i pandalshëm në shkëputje në krosimin e Baku. Verdhezinjtë rrezikuan të rrëzohen dhe shpëtohen nga Kobel, më pas në minutën e 35′ fituan një penallti: Emre Can nuk gaboi nga pika e bardhë dhe barazoi rezultatin. Borussia mori guximin dhe filloi të shtyjë fort në fund të pjesës së parë, për të gjetur avantazhin në minutën e 55 me të djathtën e Malen në hyrje të zonës. Në minutën e 71 ‘Haaland rikthehet në fushë pas një muaji e gjysmë ndalesë për shkak të dëmtimit dhe konfirmon veten si një goleador i pakapshëm: në të 81’ ai mori krosimin e Brandt dhe me të brendshmen coi në rrjetë golin e 3-1, goli i tij i dhjetë në shtatë ndeshje të Bundesligës. Është goditja e nokautit për Wolsfburgun: Dortmundi shkon në 30 pikë, Ujqit bllokohen në 20.
Bundesliga Germany
Bochum 2-1 Freiburg
FC Koln 4-1 Borussia Monchengladbach
Greuther Furth 3-6 Hoffenheim
Hertha Berlin 1-1 Augsburg
Wolfsburg 1-3 Borussia Dortmund