“Nuk mund t’ia caktoni ndeshjen e madhe të Bundesligës një arbitri që ka fiksuar ndeshjet në të kaluarën, çfarë prisnit?”. Kjo është deklarata ofensive që Jude Bellingham i ka drejtuar arbitrit Felix Zvayer pas fërshëllimës së fundit të ndeshjes Borussia Dortmund-Bayern Mynih. Në intervistën në fund të ndeshjes, mesfushori i ri kujtoi skandalin e ndeshjeve të trukuara nga arbitri Robert Hoyzer në vitin 2005, ku Zëayer ishte asistent i tij në atë kohë. Ngjarje që e kishte detyruar të pezullohej për 6 muaj për shkak se kishte pranuar një ryshfet prej treqind euro.
BELLINGHAM: – You give a referee that has match fixed before, the biggest game in Germany, what do you expect?
(@JanAageFjortoft) pic.twitter.com/H5yU9hz6PT
— Viaplay Fotball (@ViaplayFotball) December 4, 2021
Bayern Mynih triumfoi në ndeshjen e madhe të javës së 14 të Bundesligës dhe shkëputet në krye të kampionatit: të besuarit e Nagelsmann mposhtën 3-2 Borussia Dortmund me një dygolësh të Leëandoëskit dhe shkuan në + 4. Në fakt, ajo penallti ishte vendimtare, duke qenë pesëmbëdhjetë minuta nga fundi: Hummels preku me krah topin në zhvillimet e një goditje këndi e arbitri akordoi penalltinë me ndihmën e VAR, nën protestat e futbollistëve verdhezinj. Nga pika e bardhë Lewandowski mposhti Kobelin (i cili e preku por nuk devijoi dot) dhe shënoi 3-2 vendimtar.