Moti i keq ka sjellë disa problematika në qarkun e Korçës. Duke iu referuar të dhënave nga autoritetet lokale, gazetarja Lorena Kodra raportoi se pa energji elektrike vijojnë të ngelen 30% e fshatrave në Bashkinë Devoll.
Në Bashkinë Korçë vijon të mbetet i bllokuar fshati Panarit në zonën e Mashkullorës ku ka mbi 2 m borë ndërkohë që është vështirë të ndërhyhet.
Në Bashkinë Pogradec vijon të ketë vështirësi me qarkullimin në 5 fshatra të njësisë Dardhas, Trebinjë, Proptisht, Velçan dhe Çërravë kalimi duhet të kryhet vetëm me zinxhirë ndërsa po punohet për hapjen e rrugëve të Velçanit dhe Çervenakës. Aktualisht nuk ka probleme me energjinë elektrike në Pogradec.
Në Bashkinë Maliq vijon puna për hapjen e rrugëve deri në këto momente janë hapur rrugët e fshatrave të Njësisë Moglicë ku të bllokuara ishin Gjinikas, Osojë dhe Dushar.