Me Bayern Mynih tashmë kampion, fiksohen të tjera verdikte pas javës së parafundit të Bundesligës. Borussia Dortmund fiton 3-1 në shtëpinë e Furth të rënë nga kategoria dhe blindon vendin e dytë në renditje. Verdhezinjtë sigurojnë Ligën e Kampionëve ashtu si Bayer Leverkusen, i tërhequr nga dygolëshi i Schick në fitoren me përmbysje 4-2 ndaj Hoffenheim. Edhe Union Berlin futet në garë për vendin e katërt, duke fituar 4-1 në Freiburg.
KOLN-WOLFSBURG 0-1
Pas katër fitoreve radhazi, vjen një disfatë e bujshme për Këlnin që tashmë mund të shpresojë vetëm në Europa League ose në Conference League. Miqtë morën avantazhin e befasishëm me Gerhardt në minutën e 43, ndërsa vendasit shtynë përpara në pjesën e dytë, por VAR pengoi Nmecha të shënonte dhe muri i gjelbër nuk u shemb.
FREIBURG-UNION BERLIN 1-4
Vazhdon momenti i shkëlqyer i Union Berlin, që arrin trenin për në Ligën e Kampionëve, duke iu afruar një pikë Freiburgut, i katërti dhe tani i thirrur në cështje për të kontrolluar pas shpine. Gjithçka u vendos në pjesën e parë me golat e Promel, Trimmel dhe Becker, në pjesën e dytë goli i flamurit u shënua nga Holer në minutën e 59, por nuk ndryshoi rrjedhën e ndeshjes. Përkundrazi, në shtesë Schafer vulosi pokerin.
FURTH-DORTMUND 1-3
Borussia Dortmund shëtit në Furth tashmë të rënë nga kategoria dhe blindon vendin e dytë në renditje. Verdhezinjtë i besuan një Brandt të frymëzuar, autor i një dygolëshi mes 26′ dhe 72′. Në mes është goli i barazimit momental të Ngankam që zgjati vetëm dy minuta. Në fund pastaj Passlack fiksoi trisin që mbylli llogaritë.
HOFFENHEIM-LEVERKUSEN 2-4
Një rikthim me shije Champions League për Bayer Leverkusen në shtëpinë e Hoffenheim: kuqezinjtë janë të sigurt për vendin e tretë në kampionat. Raste të vazhdueshme nga të dyja skuadrat me vendasit dy herë në avantazh me Rutter dhe Baumgartner, por gjithmonë të rikuperuar, fillimisht nga Schick në pjesën e parë dhe më pas nga Diaby në pjesën e dytë. Në të 76′, Schick përfundoi përmbysjen duke firmosur parakalimin e miqve. Në fund erdhi edhe pokeri i Alarios.