• |
ide | kryesore

Policia e rrethoi në Kosovë, si i iku Dumani sy më sy

-Instant, Arkiva, Lajme, Të fundit
dumani

Edhe pse ishte shpallur në kërkim për disa vrasje, Nuredin Dumani ka kaluar disa herë kufirin Kosovë- Shqipëri pa u shqetësuar nga askush. Dyshohet se ndihma i është dhënë nga një person që njihet si i forti i Kukësit i cili ka njohje në polici. Ku fakt po hetohet ndërkohë që i penduari i drejtësisë ka treguar se policia e Kosovës e kishte rrethuar por ai ka arritur të shpëtojë pasi ndryshoi pamjen.


Një person me inicialet B.G, që konsiderohet si i forti i Kukësit, dyshohet se ka ndihmuar Nuredin Dumanin. Ky i fundit edhe pse ishte në kërkim të kalojë disa herë pikën kufitare të Morinës duke hyrë në teritorin e Kosovës dhe anasjelltas pa probleme.


Ndihma nga “i forti”

Hetimet e kryera deri në këtë fazë nga prokuroria e posaçme SPAK, kanë zbuluar se B.G, është njeriu që përmes ndërhyrjeve të tij në efektivët e policisë kufitare, mundësonte kalimi pa problem në pikën kufitare të Nuredin Dumanit, edhe pse ai ishte në kërkim për disa vrasje.

Madje dhe herën e fundit, kur i shumëkërkuari për disa vrasje ka mbëritur në muajin Mars 2022 në Shqipëri, ndihma në pikën e kontrollit i është dhënë pikërisht nga shtetasi me iniciale B.G. Për këtë fakt SPAK dhe SHÇBA, kanë nisur një hetim. Qëllimi është të parë dhe verifikuar, policët e turnit që kanë “mbyllur sytë” në momentin kur përmes pikës kufitare ka kaluar Nuredin Dumani.

Vetë i penduari i drejtësisë e tregon ardhjen me urgjencë në Shqipëri. Jo vetëm për faktin se kishte planifikuar të vriste, Elton Kilën ose “Otin e Elbasanit” dhe Talo Çelën. Por, edhe për shkak se baza e tij ku fshihej në Kosovë ishte zbuluar nga policia. “…pasi u identifikova se ku isha, policia më ka rrethuar pallatin, me qëllim për të bërë arrestimin tim. Unë kam palos flokët, kam ndryshuar pamjen dhe kam dalë direkt nga apartamenti.

Thjesht kam kaluar mes policisë. Ato më panë, por nuk ishin të sigurtë dhe unë vijova, ika…”. Kështu ka deklaruar Nuredin Dumani.

Lexo më tej: Çfarë ndodhi në zyrat e SPAK/ Nuredin Dumani u vu përballë Erion Alibejt

Nga aty Dumani është larguar me makinë në drejtim të Prizrenit. Aty ka marë një taksist i cili e ka çuar deri në Morinë. Sërish i shumëkërkuari, ka pajtuar kundrejt 40 eurove një taksist tjetër, duke i pohuar se i kishte humbur karta e identitetit dhe a mund ta kalonte në doganë.

Siç tregon Dumani në prokurori taksisti ka rënë dakord. Ai ka kaluar pikën kufitare, pa pasur asnjë kontroll. Në këtë moment burime të prokurorisë së posaçme SPA, thonë se Dumani është ndihmuar pikërisht nga B.G, i cili njihet në Kukës si person me reputacion në botën e krimit dhe ndikimin në policinë lokale.

Sapo ka kaluar kufirin, Dumani i ka shkruar Henrik Hoxhës, që të dilte për ta pritur në Milot. Pasi Dumani po vinte në këtë zonë me një taksi private ngjyrë të zezë. Takimi mes dy miqve është kryer pikërisht në Milot. Ndërsa më pas së bashku janë larguar në drejtim të Lezhës dhe pastaj në zonën e ish-bllokut në Tiranë./Oranews


Lini një Përgjigje

Adresa juaj email s’do të bëhet publike.