Trukimet e ndeshjeve kthehen të bëjnë zhurmë në futbollin europian, duke u stacionuar këtë herë në Portugali. Shtypi luzitan, në fakt, ka bërë të ditur se gjyqësori ka hapur një hetim për klubin sportiv të Benfica, ekipin e famshëm portugez të futbollit, e anëtarët e bordit drejtues të mandatit 2016/2020 ende në detyrë. Të dhënat e para të shtypit u konfirmuan nga vetë shoqëria sportive. Mes të hetuarve është edhe Manuel Rui Costa.
Ish-fantazisti, i cili luajti në Itali për vite me radhë, fillimisht te Fiorentina dhe më pas te Milani, aktualisht është presidenti i klubit. Rui Costa ka zëvendësuar Luís Filipe Vieira, i cili tashmë ka dhënë dorëheqjen në verën e vitit 2021. Çuditërisht edhe ai dha dorëheqjen si pasojë e përfshirjes si pjesë e një tjetër hetimi për mashtrim dhe mashtrim tatimor. Një situatë aspak e lehtë për luzitanët, që presin të njohin deri ku është shtrirë hetimi, për të kuptuar edhe pasojat e mundshme me të cilat mund të përballet.
Lexo më tej:Benfica, Schmidt akuzon Chelsea: “Mungesë respekti, nuk mund ta pranoj atë që janë duke bërë”
Hetimin aktual, ndërkohë, u zhvillua nga hetimi i prokurorëve për email-et e hakeruara. Në lidhje me këtë çështje Benfica akuzohet se ka përfituar nga rezultate të manipuluara në disa ndeshje. Komunikata e klubit deklaron “hapje totale për bashkëpunimin me autoritetet kompetente”.