Nga dokumentat e hetimit Prisma, dalin përgjime të reja për Juventus dhe ish-drejtuesit e tij. Corriere della Sera i publikoi e aty merkato bardhezi është sërish në qendër të diskutimeve. Një shënim i Guardia di Finanza i datës gusht 2021, në veçanti, raporton përmbajtjen e një telefonate midis Federico Cherubini dhe Andrea Agnelli. Mes tyre përmendet Federico Chiesa: “Cherubini thotë se profili i Chiesa nuk i duket atij ai i një lojtari që mund të qëndrojë te Juventus për shumë vite. Kjo për shkak të stafit të tij që është në kërkim të rritjeve të konsiderueshme ekonomike”.
Cherubini, duke folur me menaxherin e fushës së financave Stefano Bertola, drejtoi sërish gishtin nga menaxhimi i Fabio Paratic: “Më i keqi i yni fiton si më ti miri i Atalantës – thotë ish-drejtori sportiv -. Zapata merr 1.8 milionë… Nëse blejmë një qen do t’i jepnim 3 milion e gjysmë. Ishim arrogantë në merkato, sepse Fabio i 5 viteve më parë nuk merrte Higuain për 90 vjet. Por merrte Gabriel Jesus me 10 dhe e bën të vlejë 90”.
GAFAT E PËRMENDURA NGA AGNELLI
Gabimet në tregun e transferimeve janë një temë e përsëritur, të cilën e diskuton edhe Andrea Agnelli kur flet me Cherubini: “Nëse llogaris, që nga viti 2010 kur erdha e deri më sot, ka*lliqet që bëmë në tre ditët e fundit të merkatos… Hodhëm në hale 60-70 milionë. Po ta them kështu, me vizore, nga Anelka”. E Cherubini: “Bendtner, rikthimi i Caceres për herë të tretë…”.
DEKLARATA E ARRIVABENE E DEL PIERO
Mes dokumenteve është edhe një deklaratë e ish-CEO, Maurizio Arrivabene, drejtuar prokurorëve: “Telefonova Cherubini duke i thënë të mos shpenzojë asnjë cent më shumë se ishte në buxhet. Mendoj se Agnelli më beson sepse më konsideron të ndershëm dhe mjafton të lexoni bilncet e fundit. Sigurisht që ka pasur tension ekonomik, jo financiar”. Ish-drejtuesi i Ferrarit ankohet gjithashtu për disa zgjedhje menaxheriale të bëra nga Agnelli: “Të gjithë punonjësit me të cilët Andrea është ‘i dashuruar’ nuk kanë lëvizur kurrë një gisht gjatë gjithë jetës së tyre. Këta duhet të dërgohen në fushë. Nëse nuk i vendos në fushë, do të bëjnë gjithmonë gjëra të shkëlqyera për t’u lexuar. Por më të vështira për t’u realizuar”.
Së fundi, hetuesit kanë evidentuar një telefonatë mes Agnelli dhe John Elkann. Në bisedë, të dy “diskutojnë se si ta afrojnë Alessandro Del Piero me klubin”.