Rafael Leao e ka humbur durimin pas thashethemeve të fundit për rinovimin e marrëveshjes me Milanin. Portugezi përgjigjet i bezdisur me një postim në Twitter. Pas pauzës ndërkombëtare, Leao është kthyer në Milano, ku vazhdojnë negociatat për rinovimin me Milan. Portugezi duhet të ngrejë gjithashtu edhe nivelin e paraqitjeve të tij me kuqezinjtë, pas një performance të mirë në kombëtare.
Në frontin e rinovimit nuk ka shumë lajme, prej disa muajsh, me një marrëveshje të bllokuar nga kërkesat e larta të Leao. Përveç kësaj, është edhe vullneti i klubit për ta mbyllur sa më shpejt këtë çështje, pavarësisht nëse zgjidhet me nënshkrim apo jo. Kërkesat e lojtarit janë 7 milionë në sezon, plus ndihmë për të paguar gjobën e vendosur ndaj portugezit nga Sporting Lisbona. Megjithatë, klubi ofron një pagë më të ulët, rreth 6.5 në vit, dhe asnjë pjesëmarrje në çështjen ligjore me klubin portugez. Leao ka shënuar 8 gola dhe ka dhënë 7 asiste në kampionat, por kohët e fundit ka humbur shkëlqimin.
Lexo më tej: “Luaj falas për të, e do edhe shtëpinë?”: Ibrahimovic e batuta epike për rinovimin e Leaos
LEAO SHFRYN DUFIN
Tabloidët kanë vërshuar mbi këto lajme të fundit, veçanërisht ato të vendit luzitan. Por thashethemet e fundit nuk i kanë pëlqyer Leao. Futbollisti i është përgjigjur në rrjetet sociale një artikulli të publikuar nga Leonino, një blog sportiv portugez. Nën një postim në Twitter të gazetës, sulmuesi ka komentuar: “Hahaha nuk keni asgjë tjetër për të bërë? Shumë kohë e lirë”.
Una pagina parla di tensione alta in Italia a Pasqua con ultimatum del #Milan a #Leao:@RafaeLeao7 risponde piccato “non avete niente di meglio da fare?”
Rafa 👀 ❤️🖤#rinnovi #calciomercato #fakenews pic.twitter.com/jJ6yXz6zF9
— Fratelli Rossoneri (@FratelliRosson) March 29, 2023