Në një intervistë për Dazn me Diletta Leotta, Paulo Dybala është kthyer të flasë për përvojën e tij te Juventus. Në veçanti, argjentinasi është ndalur në marrëdhënien me Cristiano Ronaldo, duke zbuluar një episod të bukur. Paulo Dybala u zbërthye në bisedën me Diletta Leotta, në specialen e Dazn “Scacco Capitale”. Në intervistën e gjatë, Dybala iu përgjigj edhe pyetjeve në lidhje me Cristiano Ronaldo si shok skuadre te Juventus. Lidhur me këtë, Joya nënvizoi vlerën e pasjes së asit portugez në skuadër: “Ishin tre vite të mira me Cristianon, ekipi ishte shumë i fortë dhe ai na jepte diçka më shumë”.
Dybala vazhdoi duke treguar edhe një episod interesant për marrëdhënien e tij me CR7: “Në Argjentinë ndihet thellë rivaliteti mes Messi e Cristiano. Padyshim që si fëmijë kam qenë gjithmonë në krah të Messi. Një herë po shkonim të luanim një ndeshje, unë isha në fund të avionit dhe ai ishte ulur më përpara. Në një moment të fluturimit ai erdhi tek unë për të folur për futbollin dhe shumë gjëra të tjera. Ne folëm për jetën tonë në përgjithësi dhe në një moment i thashë “si fëmijë praktikisht të kam urryer”.
Lexo më tej: Hetimi Prisma, tërhiqen Dybala e CR7: nuk janë pjesë civile kundër Juventus
Sulmuesi aktual i Romës përfundoi bisedën duke pranuar miqësinë me Ronaldon, që shkon përtej çdo rivaliteti futbollistik: “Ne kemi qeshur me këtë dhe kemi pasur gjithmonë një marrëdhënie të mirë mes nesh, një dialog të mirë”.
Otra vez en casa… con nuestra gente 🇦🇷 💙 pic.twitter.com/pGMjRKp51f
— Paulo Dybala (@PauDybala_JR) March 20, 2023