Taylor Lautner ka reaguar së fundmi ndaj kritikave për pamjen e tij që u shfaqën së fundmi në Instagram. Në fakt, Taylor madje ripostoi disa nga komentet lënduese, duke përfshirë komentet që thonë se ai “nuk u plak mirë”, si një mënyrë për të hapur një dialog për shëndetin mendor.
“Nëse ky koment do bëhej 10 vite më parë, pesë vite më parë, kjo do të më kishte lënduar shumë,” tha ai në një video të 22 majit. “Do të më kishte bërë që të doja të hyja në një vrimë dhe të mos dilja jashtë.” Megjithatë, siç vuri në dukje aktori, ai tani është “në një vend tjetër” dhe nuk është më në një “pozicion jo të shëndetshëm” ku fokusohet në “gjërat e gabuara”.
“Ju e gjeni vlerën aty ku e vendosni,” shpjegoi Taylor. “Dhe nëse e vendosni vlerën tuaj në atë që të tjerët mendojnë për ju, kështu do të ndiheni. Por nëse e vendosni vlerën tuaj tek ju duke ditur se kush jeni, çfarë është e rëndësishme për ju, çfarë doni, gjëra të tilla nuk do të arrijnë tek ju.” Ai shtoi, “Pikëpamja ime më e madhe është vetëm të mendosh dhe të kujtosh se ku e vendos vlerën tënde në jetë, dhe gjithashtu të jesh mirë. Nuk është aq e vështirë. Le të jemi të mirë me njëri-tjetrin. Le të përhapim dashuri dhe pozitivitet. Është kaq e thjeshtë.”
Deklarata të tjera lënduese të ripostuara nga Taylor thanë se “duket si brokoli i vjetër” dhe “i plakur si rrush i thatë”. Sidoqoftë, në seksionin e komenteve të postimit të tij, ai u prit me një valë mbështetjeje. “Nuk më bën të dyshoj se kush jam,” shkroi gruaja e aktorit, e cila quhet gjithashtu Taylor Lautner, duke cituar një nga rreshtat e tij nga klipi. “Zot të dua.”/Lapsi.al