Një 26-vjeçar në Tiranë është proceduar penalisht pasi ka ofenduar dhe kundërshtuar punonjësin e policisë. Mësohet se fillimisht 26-vjeçari goditi me monopatinë punonjësin e policisë më pas e ofendoi dhe e kundërshtoi me dhunë.
Njoftimi i Policisë:
Tiranë Në lidhje me një video të publikuar në portalin JOQ, në të cilën shfaqet një punonjës Policie duke prangosur një shtetas, ju sqarojmë se: Punonjësi i Policisë që shfaqet në video, gjatë kohës që ishte i planizuar me shërbim te nënkalimi i pallatit me shigjeta, është goditur me monopatinë elektrike nga një shtetas që qarkullonte në sens të kundërt me lëvizjen, i cili më pas ka ofenduar dhe kundërshtuar me forcë punonjësin e Policisë. Ndodhur në këto kushte, punonjësi i Policisë, sëbashku me ndihmën e kolegut ka prangosur shtetasin A. P., 26 vjeç, dhe e ka shoqëruar atë në komisariat. Në vijim të veprimeve u procedua penalisht në gjendje të lirë, për veprën penale “Mosbindja ndaj urdhrit të punonjësit të Policisë së rendit publik”.