Komisioni Evropian hodhi poshtë këtë të martë objektivin e shprehur vetëm një ditë më parë nga kreu i Këshillit Europian, Charles Michel për zgjerimin e BE-së në 2030-ën. Dy institucionet kryesore të Bruksel u përplasën përsëri pasi “qeveria e BE-së” doli kundër vërejtjeve të presidentit të Këshillit Evropian se blloku duhet të jetë gati të pranojë anëtarë të rinj në vitin 2030.
“Ne nuk jemi të fokusuar në një datë, por të fokusuar në punën shumë të ngushtë me vendet kandidate për t’u përgatitur për t’u bashkuar me Bashkimin Evropian” – tha zv.zëdhënësja e Komisionit, Dana Spinant në një konferencë të përditshme për shtyp këtë të martë. Ajo shtoi se Michel nuk ishte konsultuar me Presidenten e Komisionit, Ursula von der Leyen rreth përmbajtjes së fjalimit të tij të zgjerimit të hënën në një konferencë në Bled të Slloveni.
Mosmarrëveshja e fundit publike midis von der Leyen dhe Michel, të quajtur “çifti i çuditshëm i Evropës” për marrëdhëniet e tyre të vështira vjen teksa tema e zgjerimit të BE-së është rihapur vrullshëm në Bruksel. Gjithashtu të hënën, presidenti francez Emmanuel Macron sugjeroi për një BE “më të shpejtë” në lidhje me pranimin e vendeve kandidate. Disa vende të Ballkanit kanë pritur vite për t’u anëtarësuar në BE. Sipas kuadrit ligjor, ata duhet të plotësojnë një sërë kërkesash përpara se kjo të bëhet e mundur.
Udhëheqësit e BE-së do t’i përkushtohen kësaj teme në një samit të ardhshëm në tetor, pasi lufta në Ukrainë ka ringjallur debatin mbi zgjerimin e bllokut. 8 vende janë duke pritur anëtarësimin, duke përfshirë Ukrainën dhe Moldavinë, të cilave iu dha statusi i kandidatit vitin e kaluar ndërsa janë rritur presionet për të hapur bisedimet e pranimit për Ukrainën deri në fund të këtij viti. Spinant këmbënguli se zgjerimi është një “proces i bazuar në merita” dhe se vendet kandidate duhet të lejohen të anëtarësohen vetëm pasi të përmbushin kriteret e hyrjes në BE. ©Politico.eu, LAPSI.al
terhiq e mos e keput keta te europes me shtetet ne fund te kazanit, jo se ne e meritojme te hyjme ne BE, por te pakten keta te mos na e tundin karroten perapara surratit, ta thone troc qe deri sa te 2050 nuk keni shanse per te hyre ne BE dhe pastaj hajt te shohim nese edhe vete BE do ekzistoje deri atehere
Po cift me te cuditshem se keta.
Ai full gay. Kjo fiks si ato kujdestaret e pasunareve Nazi.
Samitet e forumet po kthehen në tallava, sepse nuk ka më strategji konkrete apo rrugëdalje reale për problemet që ndesh bota në ditët tona.
Mos vallë tha një të vërtetë Rama kur theksoi se vlerësonte takimin e Bled, ku krerë të BE flisnin lirshëm si në një tavolinë darke ?
Ndaj kur shohim takime politikanësh, madje në nivel të lartë, po na duken si misanskena teatrale apo pemë pa kokrra.