Fulham-Sheffield United në Premier League është errësuar nga një dëmtim i tmerrshëm i pësuar nga Chris Basham. Mbrojtësi i miqve është larguar me barrelë nga fusha, nën ankthin e të gjithë shikuesve në Londër. Pasi bëri një krosim, impakti me këmbën e djathtë në tokë i shkaktoi një problem të rëndë në kavilje. Dëmtimi ishte aq traumatik, saqë u desh të përdorej oksigjeni për ti ardhur në ndihmë lojtarit. Me lojtarët e dy skuadrave të tronditur dhe mes duartrokitjeve të publikut, Basham u transportua menjëherë në spital.
Pamjet e dëmtimit janë shumë të rënda dhe në kohën kur Basham po merrte ndihmën e parë nga stafi mjekësor, duket kavilja e copëtuar. Një pozicion tërësisht anormal, që lë të kuptohet se edhe kohët e rikuperimit mund të jenë shumë të gjata. Sidoqoftë, do të mësohet më shumë mbi gjendjen e lojtarit të Sheffield United, pas kontrolleve të reja më të hollësishme.
Can we all wish Chris Basham well after this horrific injury,
If this was a Man Utd player not a Sheffield United it would be everywhere
Get will soon skipper #Twitterblades#SUFC pic.twitter.com/FoVRoH5j7e
— @FPLGain (@FplGain) October 7, 2023
Në momentin e dëmtimit të qendërmbrojtësit ndeshja ishte e bllokuar në 0-0. Në fund, Fulham u imponua 3-1 në një ndeshje të shënjuar nga dy autogola. Decordova-Reid zhbllokoi sfidën në minutën e 53′ për vendasit, ndërsa barazimi erdhi në të 68′ me autogolin e Robinson. Barazimi u prish nga autogoli i dytë i ndeshjes, këtë herë nga Foderingham, që shënoi në portën e tij, duke kthyer Fulham në avantazh. Në minutën e dytë shtesë pastaj, Willian mbylli historinë me golin e 3-1.