Regjisori i “Deadpool 3”, Shawn Levy më në fund i është përgjigjur aludimeve të fundit se Taylor Swift mund të shfaqet në vazhdimin e filmit.
Filmi superhero, me protagonist Ryan Reynolds, si personazhi titullar, është një nga filmat e ardhshëm më të pritur nga Universi Kinematik i Marvel për shkak të përfshirjes së Hugh Jackman, 54 vjeç, si Wolverine.
Por filmi, i cili po prodhohet nga Marvel Studios dhe Maximum Effort, po merr edhe më shumë vëmendje për shkak të thashethemeve se Swift, ndoshta mund t’i bashkohet gjithashtu kastit. Fansat kanë spekuluar se këngëtarja e “Karma” mund të bëjë një skenë si superheroi Dazzler.
Ndërsa roli në dukje është i përsosur për ikonën e popit, Levy po e mban të fshehtë përfshirjen e mundshme të saj në film.
“”Asnjë koment”, shpjegoi Levy në një intervistë me The Wrap. “Kjo ka të bëjë me Taylor-in. Dhe është e lidhur me MCU. Ju do të duhet të prisni dhe të shihni.”
Thashethemet u nxitën edhe më shumë pasi Levy, Jackman, Reynolds dhe Swift u fotografuan të gjithë së bashku duke parë Kansas City Chiefs dhe New York Jets duke luajtur në stadiumin MetLife në New Jersey më 1 tetor.
“Meqë ra fjala, është pothuajse dëshpëruese,” tha producenti kanadez i filmit për Variety . “Unë mund të bëj 50 filma dhe shfaqje të tjera hit dhe do të njihem ende si djali me xhaketë kportokalli që shkon në lojën Chiefs-Jets me Taylor dhe të tjerët.”
Ndërsa “Deadpool 3” është planifikuar të dalë në kinema më 3 maj 2024, greva e vazhdueshme SAG-AFTRA, mund të shkaktojë një vonesë./Lapsi.al