Një producent muzikor ka paditur Chris Brown për sulm në një klub nate në Londër në fillim të këtij viti.
Në dokumentet gjyqësore të siguruara nga Page Six, paditësi Amadou “Abe” Diaw pretendon se këngëtari “i shkaktoi lëndime të rënda” pasi “e goditi në kokë” me një shishe tekila Don Julio 1942 në shkurt në klubin e natës Tape London.
Ai vazhdoi “ta godiste pa mëshirë” Diaw dhe e goditi atë më pas në pjesën e pasme të qafës, duke e rrëzuar atë pa ndjenja për 30 sekonda.
“Goditjet dërrmuese” dyshohet se e dërguan ekzekutivin e Onegodmusic në spital me “çarje në kokë dhe ligamente të këputura në këmbë”.
Diaw pohon gjithashtu se pas incidentit, Brown përhapi thashetheme të rreme për të dhe klientët e tij, duke e quajtur hajdut për të dëmtuar marrëdhëniet e tij profesionale.
Padia e Diaw thotë se lëndimet e tij fizike mund të jenë të përhershme. Për këtë arsye ai po kërkon dëmshpërblim dhe një gjykim nga juria.
Kjo nuk është hera e parë që artisti akuzohet për dhunë.
Ai goditi Rihanna-n gjatë lidhjes së tyre në vitin 2009, duke e lënë atë në spital me ënjtje në fytyrë.
Chris iu dha përfundimisht pesë vjet provë dhe 180 ditë punë në komunitet pasi u deklarua fajtor për sulmin./Lapsi.al