Komisioni Disiplinor i FIFA-s ka ndaluar për tre vjet Luis Rubiales, ish-president i Federatës Spanjolle të Futbollit, nga të gjitha aktivitetet e futbollit. Vendimi, që erdhi mëngjesin e së hënës së 30 tetorit, është në nivel kombëtar dhe ndërkombëtar. Ish-numri një i futbollit iberik u bë protagonist i një skandali që shpërtheu në fund të finales së Kupës së Botës për femra të fituar nga Furitë e Kuqe. Në podium presidenti puthi në buzë futbollisten Jenni Hermoso dhe u akuzua për dhunë ndaj lojtares.
Një situatë që pati pasoja të rënda edhe në kombëtare, me shumë sportiste që dezertuan ndeshjet e ndryshme të planifikuara. Hermoso vetë u rikthye vetëm për ndeshjen e Ligës së Kombeve kundër Italisë, e vendosur nga sulmuesja në finale.
Në përfundim të një hetimi të plotë për atë që ndodhi në fund të Botërorit, organizmi me qendër në Lozanë vendosi të ndërhyjë kundër Rubiales. Ai u konsiderua fajtor për shkeljen e nenit 13 të kodit disiplinor të FIFA-s dhe u pezullua fillimisht për 90 ditë. Drejtuesi spanjoll është informuar për vendimin dhe tani do të ketë dhjetë ditë për të kërkuar arsyet si dhe për të pasur mundësinë për të apeluar në Komisionin e Apelit të FIFA-s.
Lexo më tej: Çështja Hermoso, zbulohen deklaratat e Rubiales para gjykatësit: “Ajo po qeshte”
Në përgjigje të asaj që ndodhi, në një shënim, federata ndërkombëtare përsëriti “angazhimin absolut për të respektuar dhe mbrojtur integritetin e të gjithë njerëzve dhe për të garantuar respektimin e rregullave themelore të sjelljes dinjitoze”.
The FIFA Disciplinary Committee has banned Luis Rubiales, the former president of the Spanish Football Association, from all football-related activities at national and international levels for three years
▶️ https://t.co/BtyFhH5Fmt pic.twitter.com/wROu12rJPm
— FIFA Media (@fifamedia) October 30, 2023