Para ndeshjes kundër Bolonjës, Patric rrëfeu, në konferencën për shtyp, për frikën kur shpërtheu pandemia e koronavirusit në vitin 2020. “Kam vuajtur shumë, sepse isha mbyllur vetëm në shtëpi me Covid. Unë u përpoqa të bëja të njëjtat gjëra, sepse më dukej në rritje. Pastaj nga askundi erdhën problemet me depresionin, ankthin. Për mua gjithçka ishte e errët. Fillova të punoja me një mental coach dhe e gjeta veten – tha mbrojtësi spanjoll -. Sezoni pa tifozë pati një ndikim të madh, ishte më i keqi. Më pas Luiz Felipe u lëndua dhe kështu më duhej të luaja të gjitha ndeshjet, madje edhe nëse nuk isha mirë. Por kurrë nuk jam tërhequr nga sfidat sepse njerëzit duken edhe në këto gjëra. Ai vit ishte shumë i vështirë, gjëja më e lehtë ishte të hiqje dorë, por nuk e bëra. Nëse sot jam më i mirë është edhe falë atij momenti vështirësie”.
Dëmtimi i Casale i hapi dyert Patric për 11-shen titullare. Nesër është Bolonja, një kundërshtar i fortë. “Është një skuadër e organizuar, e cila po pëson edhe më pak gola – shtoi Patric -. Ata po gjejnë soliditet dhe kanë lojtarë të fortë përpara: Orsolini, Zirkzee… Kemi punuar si gjithmonë, por që kur Thiago Motta ka ardhur, Bolonja. po bën gjëra vërtet të mira”.
MUAJI VENDIMTAR PËR BARDHEKALTRIT
Fillon një muaj vendimtar për Lazion. “Futbolli i sotëm është i tillë tani, ne duhet të mendojmë ndeshje për ndeshje. E nesërmja është më e rëndësishmja, pastaj vjen një javë në të cilën luajmë shumë. Por janë tre pikë njësoj si të tjerat. Bolonja po kalon një sezon të mrekullueshëm Duhet të mendojmë vetëm për këtë ndeshje”.
Pas një fillimi të vështirë, Lazio duket se ka gjetur vazhdimësi më të madhe të rendimentit. “Ne ende pyesim veten se pse fillimi i sezonit ishte i tillë. Veçanërisht dy ndeshjet e para në të cilat na mungoi edhe nga performanca, që vlen më shumë se rezultati. Që aty e tutje ne i kemi luajtur gjithmonë ndeshjet në mënyrën e duhur. Duhet të mësojmë nga ndeshja kundër Feyenoord, sepse vinim nga një ecuri e shkëlqyer dhe kjo na bëri të mësojmë shumë. Nuk mund të relaksohemi, por jemi në një moment të mirë. Përveç dy ndeshjeve të para, unë mendoj se kemi marrë rrugën e duhur. Duhet të vazhdojmë kështu pa nënvlerësuar asnjë ekip”.