• |
ide | kryesore

Çështja “Gërdeci”, Gjykata e Strasburgut del me vendim: Shteti të dëmshpërblejë të dëmtuarit

Lajme, Të fundit



Gjykata Europiane e të Drejtave të Njeriut ka dalë me vendim për padinë e familjarëve të Gërdecit. Teksa kjo çështje ndodhet në Gjykatën e Posaçme me kërkesë të SPAK, Strasburgu thotë se ndër vite ka pasur shkelje.

Gjykata konstatoi se kërkuesve iu ishte hequr mundësia për të marrë pjesë në mënyrë efektive në gjykimin penal. Për më tepër, procedimi penal ndaj ish-ministrit të Mbrojtjes për shpërdorim detyre është ende në pritje, duke lënë kështu kërkuesit pa një përfundim përfundimtar për përgjegjësinë e tij edhe më shumë se 14 vjet pas shpërthimit.

Sipas vendimit të Strasburgut, familjarët e viktimave do duhej të ishin bërë pjesë e procesit që prej fillimit, ndërsa hetimi për ish-ministrin Fatmir Mediu është zvarritur.

Në vendim thuhet se shteti i paditur duhet të dëmshpërblejë kërkuesit brenda tre muajve nga data në të cilën vendimi merr formë të prerë.

“Shteti i paditur duhet t’u paguajë kërkuesve, brenda tre muajve nga data në të cilën vendimi merr formë të prerë në përputhje me nenin 44 § 2 të Konventës, shumat e mëposhtme: bashkërisht Zamira Durdajt dhe Feruzan Durdajt, 12 000 euro (dymbëdhjetë mijë euro), plus çdo taksë që mund të paguhet për dëmin jopasuror; aplikantëve të mbetur, 10,000 (dhjetë mijë euro) secili, plus çdo taksë që mund të paguhet për dëmin jopasuror; bashkërisht për të gjithë aplikantët, 8,000 (tetë mijë euro) euro, plus çdo taksë që mund t’u ngarkohet atyre, në lidhje me kostot dhe shpenzimet; që nga skadimi i tre muajve të sipërpërmendur deri në shlyerje, do të paguhet interes i thjeshtë për shumat e mësipërme me një normë të barabartë me normën marxhinale të huadhënies të Bankës Qendrore Evropiane gjatë periudhës së mospagimit plus tre pikë përqindjeje”, thuhet në vendimin e Strasbugut.



5 Comments

  1. I lumte Zamires, qe beri aplikimin qe ne vitin 2009 ne Gjykaten e Strasburgut me avokaten e saj, se te tjeret u terhoqen, por qenkan “bashkuar” ne vitet ne vijim.

  2. sekuestroni parate e vjedhura te Salih Berishes dhe shkelzen kurves dhe demshperbleni te demtuarit Jo shteti po ata qe e kryen kete krim duhet te paguajne

  3. Problemi më duket qeka dëmshpërblimi. Dhe sipas gjykatës të Strasburgut është i drejtë dëmshpërblimi por duan t’ja lënë fajin shtetit se dëmshpërblimi duhej bërë nga privatët që administronin ndërmarrjen. Pra të manipuluar tërë këto vite vetëm e vetëm për qëllime politike. Dhe përgjigja e gjykatës është që merni dëmshpërblimin pastaj çështja penale është punë e gjykatës shqiptare që dhe ajo për qëllime politike vazhdon në mënyrë të bindur por qesharake që gjyq të kotë duke harxhuar kohë dhe para!!!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *