Policia e Londrës ka publikuar rikonstruksionin e fytyrës së një të kërkuari në kryeqytetin anglez. Në këtë pikë, shumë persona e kanë identifikuar të kërkuarin si Harry Kane. Është e qartë se nuk është vërtetë sulmuesi, por një person shumë i ngjashëm me të.
KANE, IDENTIK ME NJË TË KËRKUAR
Ditët e fundit policia e Londrës ka nxjerrë identikitin e një krimineli të kërkuar në kryeqytetin anglez. Personi akuzohet se ka grabitur një grua në lagjen e pasur Richmond.
Riprodhimi grafik i fytyrës së të kërkuarit, i bërë falë përshkrimit të dëshmitarëve okularë, u bë publik për të ndihmuar hetimet. Shumë qytetarë anglezë tashmë e kanë njohur kriminelin, sepse e kanë parë shpesh në televizion të veshur me fanellën e ekipit kombëtar, Tottenham dhe Bayern Munich.
Lexo më tej: Video/ Kane për rekord: Bayern godet në Këln, Tuchel i pari për një natë
🚨 The MET police are looking for a man whose portrait is reminiscent of a certain… Harry Kane. 😭
The man in question is accused of stealing a woman’s bag on the banks of the Thames in October.
(Source: @BILD ) pic.twitter.com/7zPSrGrdSz
— Transfer News Live (@DeadlineDayLive) November 24, 2023
Në fakt, identikiti i kriminelit ka një ngjashmëri të jashtëzakonshme me Harry Kane. Kështu, të qeshurat shpërthyen në rrjetet sociale për këtë ngjashmëri të pabesueshme. Lajmin e mori edhe Bild dhe e publikoi në Gjermani.
Është e qartë se të vetmet grabitje që Kane ka kryer ndonjëherë në Londër janë ato në zonën e penalltisë me fanellën e Spurs dhe Anglisë. E i vetmi krim që ka kryer ndonjëherë është të qenit “vrasës” para portës. Kjo dëshmohet qartë nga 18 golat e shënuar për Bayern Mynih në 12 ndeshje të luajtura.
Numra që nuk janë as në qiell e as në tokë, ato të anglezit këtë sezon, që rrezikon të thyejë të gjitha rekordet nëse vazhdon me këtë ritëm.