Për javën që po fillon vendi ynë do të ndikohet nga kushte relativisht të qëndrueshme atmosferike edhe pse me masa ajrore të ftohta. Kështu, për ditën e hënë moti parashikohet me kthjellime si dhe vranësira kalimtare.
Ndërkohë në vijim të javës pritet depërtimi i masave ajrore të lagështa me origjinë veriperëndimore. Për këtë arsye, moti parashikohet me vranësira mesatare deri të dendura shoqëruar me reshje shiu të herëpashershme me intensitet të ulët deri mesatar në formën e shtrëngatave. Në relievet malore në lindje në lartësitë mbi 1200 metër do të ketë reshje dëbore.