Ricky Gervais është nën kritika për etiketimin e fëmijëve me sëmundje terminale si “tullacë” dhe i quajti ata “të vonuar” në stand-upin e tij të ardhshëm të Netflix “Armageddon”.
Në një klip që Gervais postoi në faqet e tij në mediat sociale javën e kaluar, ai bën shaka për krijimin e videove për fëmijët e sëmurë nëpërmjet Fondacionit Make-A-Wish.
“Kam bërë shumë video mesazhe kohët e fundit për fëmijët e sëmurë” shpjegon Gervais. “Kur ato më kan kërkuar, natyrisht. Unë nuk shkoj në spitale dhe them: “Zgjohu, tullac”. Më shiko duke bërë lëvizje në TikTok.’”
“Unë bëra shumë gjatë pandemisë – sepse ata nuk mund të shihnin as familjen e tyre,” vazhdoi bashkëkrijuesi i “The Office”. “Është përmes Fondacionit Make-A-Wish.”
Pavarësisht këmbënguljes së tij se komenti i tij ishte vetëm një shaka, disa prindërve të fëmijëve të sëmurë nuk e panë atë qesharake.
“Unë në fakt isha një fans i Ricky Gervais, por pasi pashë qëndrimin e tij me familjen time dhe dëgjova shaka të shumta për fëmijët e sëmurë dhe veçanërisht fëmijët me kancer, e fika televizorin ,” shkroi ish-futbollisti Ashley Cain në Instagram. “Disa gjëra nuk janë qesharake, sidomos për prindërit. Jam shumë i zemëruar për këtë!”
Cain, i cili u shfaq në “Ex On The Beach”, humbi vajzën e tij 8-muajshe, Azaylia Diamond, në vitin 2021 nga leucemia.“Kjo është absolutisht e poshtër. Habitem sesi njerëzit mendojnë se është qesharake,” komentoi një person tjetër.
“Armageddon” i Ricky është planifikuar të shfaqet në Netflix në ditën e Krishtlindjeve./Lapsi.al