Në ndeshjen hapëse të javës së pesëmbëdhjetë të Premier League, vjen një fitore e bujshme e Arsenal, 4-3 në fushën e Luton Town. Osho iu përgjigj golit hapës të Martinelli, por Gabriel Jesus i ktheu Gunners në avantazh pak para fundit të pjesës së parë. Në të dytën Adebayo dhe Barkley iluzionuan vendasit, të arritur nga Havertz dhe të përmbysur në fund nga Rice. Fiton edhe Wolverhampton, 1-0 ndaj Burnley falë golit të Hwang.
Një 4-3 i çmendur për Arsenal, fitues në fushën e Luton Town. Gunners menaxhuan menjëherë zotërimin e topit, me avantazhin që nuk vonoi. Në minutën e 20′ Saka shërbeu brenda zonës për goditjen precize të Martinelli, që bëri rezultatin 1-0. I menjëhershëm reagimi i vendasve dhe pesë minuta më vonë Osho riktheu në ekuilibër ndeshjen, pas zhvillimit të një goditje këndi. Skuadra e teknikut Arteta nuk u dekurajua dhe pak para pushimit u rikthehen sërish përpara 1-2, falë goditjes me kokë të Gabriel Jesus në minutën e 45′.
Lexo më tej: Everton -10 pikë për një shkelje financiare, City akuzohet për 115: Guardiola rrezikon rrëzimin nga Premier
PËRMBYSJE E KUNDËR-PËRMBYSJE
Në fillim të pjesës së dytë, skuadra e drejtuar nga Edwards arriti në mënyrë sensacionale të përmbyste rezultatin. Fillimisht gjeti 2-2 në minutën e 49′ me Adebayo, sërish nga këndi. Më pas, në minutën e 57′, Barkley mposhti Raya (larg të qenit perfekt) me diagonalenme të majtën. Gunners nuk hoqën dorë nga ndeshja dhe tre minuta më vonë Havertz bazaroi rezultatin 3-3, pas një asist të Gabriel Jesus. Në gjysmë-orën e fundit londinezët u përpoqën ta fitonin në çdo mënyrë takimin dhe ia arritën në minutën e 97′. Declan Rice fiksoi rezultatin në 3-4, falë një pasimi të Odegaard. Arsenal fiton dhe rrit avantazhin në krye të renditjes në 36 pikë dhe për momentin +5 ndaj Liverpool. Një Luton shumë agresiv është mbërthyer në 9 pikë, ende në vendin e katërt nga fundi.