Lazio kalon në raundin e 1/8 e Kupës së Italisë 2023/24 dhe pret fituesin e Roma-Cremonese në çerekfinale. Përfundoi 1-0 ndaj Genoa me golin e Guendouzi pas 5′ minutash, që vendosi ndeshjen. Mesfushori shfrytëzoi asistin e Pellegrinit nga e majta për të vulosur kualifikimin. Lajmi i keq për bardhekaltrit është dëmtimi e Isaksen dhe Patric, të dy jashtë për shkak të problemeve muskulore, që duhen vlerësuar.
Përpjekje minimale, rezultat maksimal. Lazio iu desh vetëm një gol pas 5 minutash lojë të shënuar nga Guendouzi për të mposhtur Genoan. Bardhekaltrit arrijnë kështu në çerekfinale, ku pritet fituesi mes Romës dhe Cremonese. Nuk ishte një ndeshje e madhe, por Lazio praktikisht nuk vuajti pothuaj asnjëherë. Në fakt, ata u afruan disa herë për të dyfishuar epërsinë, rasti i fundit madje sensacional. Basic, 10′ minuta nga fundi, i vetëm përballë portierit, nuk arriti ta kalonte. Shqetësimi i vetëm për teknikun Sarri janë dëmtimet e Isaksen, që doli nga fusha pas gjysmë ore lojë i zëvendësuar nga Felipe Anderson dhe Patric.
Mattéo Guendouzi puts Lazio ahead 1-0pic.twitter.com/xNVFzUX3F2
— FootColic ⚽️ (@FootColic) December 5, 2023