Kim Kardashian do të luajë “avokaten më të suksesshme të divorcit dhe pronaren e një firme ligjore tërësisht femërore” të L.A. në një dramë ligjore, për Deadline.
Shfaqja është duke u shkruar nga krijuesi i “Brothers & Sisters”, Jon Robin Baitz, producent ekzekutiv, Ryan Murphy dhe do të transmetohet në Hulu, shtëpia aktuale e “The Kardashians”.
Roli thuhet se bazohet në avokaten e famshme të divorcit, Laura Wasser, e cila ka përfaqësuar një numër të madh personazhesh, përfshirë Ryan Reynolds, Angelina Jolie, Britney Spears dhe Kevin Costner. Wasser gjithashtu e kundërshtoi Kardashian në divorcin e saj nga Kanye West.
Producentët e tjerë ekzekutivë në serial përfshijnë vetë themeluesen e Skims dhe mamajen e saj, Kris Jenner. Seriali do të nisë xhirimet në fund të vitit 2024.
Të luash një avokat nuk duhet të jetë shumë e vështirë për Kardashian e cila kaloi provimin “baby bar” në 2021 pas tre përpjekjeve të dështuara. Në fillim të këtij viti, Kardashian zbuloi se do të hiqte dorë “absolutisht” nga karriera e saj televizive në realitet, dhe do të fokusohej në të qenit avokate “me kohë të plotë”.
“Do të isha po aq e lumtur të isha një avokate me kohë të plotë,” tha ajo gjatë një paneli në Samitin TIME100 2023 në prill, kur u pyet nga moderatorja Poppy Harlow nëse do të konsideronte ndonjëherë të largohej nga kamerat./Lapsi.al