Milan rrëzohet 3-2 kundër Atalantës në Bergamo, në javën e 15 të Serie A, duke rrëshqitur në -7 pas Juventus në krye të renditjes. Distanca mund të bëhet më e madhe, nëse Inter fiton kundër Udinese. Një ndeshje e çmendur dhe spektakolare ajo e luajtur në stadiumin Gewiss. Giroud iu përgjigj epërsisë së bergamaskëve të firmosur nga Lookman, i cili në fillimin e pjesës së dytë kaloi skuadrën e tij në avantazh me një dygolësh personal. Në minutën e 80′ kuqezinjtë ekuilibruan rezultatin, duke bërë 2-2 me Jovic, para se të merrnin goditjen fatale të Muriel në minutën e pestë të kohës shtesë (menjëherë pas përjashtimit të Calabria) që fundosi skuadrën e Piolit.
Milani vuajti, luftoi, hasi vështirësi, reagoi dy herë në disavantazh por u rrëzua në finale, në minutën e 95′, kur Atalanta shënoi golin e tretë me një takë magjike nga i sapofuturi Muriel. Në stadiumin Gewiss përfundoi 3-2 për skuadrën zikaltër, e cila legjitimoi një fitore të përkedhelur për periudha të gjata të ndeshjes. Një Atalanta padyshim më e gjallë dhe më e kthjellët sesa Djalli i parashikueshëm dhe konfuz. Lookman zhbllokoi ndeshjen, Giroud u përgjigj, përpara se atalantini të shënonte dygolëshin personal. Milan u duk se arriti një ndeshje, në një fushë të vështirë, kur Jovic barazoi 2-2 dhjetë minuta nga fundi. E pikërisht në shtesë, erdhi mrekullia e Muriel, që ktheu Atalantën te fitorja.
Lexo më tej: De Laurentiis, fjalë të rëndë që ndoshta nënkuptojnë Juventus: “Nuk mund të fitosh çdo vit pa mashtruar”
Gasperini ngushtoi diferencën me zonën e Champions League, Milani bie pas dy fitoreve radhazi në kampionat dhe retë kërcënuese fillojnë të trazohen sërish mbi teknikun Pioli.