Të premten, Achraf Hakimi nuk ishte i pranishëm në seancën e fundit stërvitore përpara ndeshjes së PSG kundër Nantes (të fituar 2-1 nga parisienët). Një mungesë e dakordësuar me klubin, zyrtarisht për “arsye personale”. Në fakt, ishte pikërisht kjo, pasi mbrojtësi maroken ishte në gjykatë për një përballje të parë me gruan që e akuzoi për ngacmim seksual.
Ish-lojtari i Inter ka mohuar gjithmonë çdo keqbërje, por gjatë takimit të parë ballë për ballë viktima e supozuar, përmes avokatëve të tij, ka konfirmuar çdo akuzë.
Të premten Hakimi u thirr në gjykatë për t’u përballur me gruan që e akuzoi për përdhunim, por pa bërë asnjëherë një denoncim zyrtar. Mirëpo, pas dëgjimit të deklaratave të viktimës së dyshuar, hetuesit hapën një dosje. Mbrojtja ligjore e lojtarit pretendon se akuza është thjesht një përpjekje për zhvatje, një teori e mohuar ashpër nga avokatët e gruas.
Lexo më tej: Nën hetim për përd.hunimin e një vajze, Hakimi ndahet nga bashkëshortja: “Shumë divergjenca”
“Asgjë në këtë dosje nuk na lejon të karakterizojmë një tentativë shantazhi për qëllime zhvatjeje”, shpjegoi për mediat në fund të diskutimit avokatja e viktimës së dyshuar Rachel-Flore Pardo. Më pas avokatja këmbënguli: “Klientja ime konfirmon të gjitha deklaratat e saj dhe ka bërë padi civile”.
It's over! ⌛️
PSG win at the Parc des Princes thanks to goals by Bradley Barcola and Randal Kolo Muani! 🔴🔵#PSGFCN 2️⃣-1️⃣ | #Ligue1 pic.twitter.com/i0eULiDSfD
— Paris Saint-Germain (@PSG_English) December 9, 2023