Te Paris Saint Germain është një atmosferë e rëndë e kalimi në 1/8 e Champions League nuk mjafton për të qetësuar tensionet në dhomat e zhveshjes. Demostrimi erdhi në fundin e ndeshjes Borussia Dortmund-Paris Saint Germain me dy skuadrat të bllokuara në rezultatin 1-1 dhe të destinuara për të kaluar krah për krah. Duke pasur parasysh avantazhin që Milan kishte marrë kundër Newcastle, Luis Enrique i kërkoi ekipit të tij të ngadalësonte ritmin. Spanjolli u kundërshtua hapur nga Kylian Mbappé, i cili ishte i vendosur për ta fituar atë ndeshje.
Ishte Achraf Hakimi ai që i solli mesazhin kampionit francez, por marokeni u përball me një përgjigje të ndezur nga Mbappè. Sulmuesi nisi të tregojë në mënyrë plateale portën kundërshtare. Idea e francezit ishte se duhej kërkuar goli, duke shmangur kështu një qarkullim steril në qendër, që nuk do të ndryshonte rezultatin. Ishte e pamundur të bindeshin shokët e tij të skuadrës, të cilët ndoqën udhëzimet e trajnerit dhe lanë krejt vetëm përpara një Kylian Mbappé të tërbuar, që u largua nga fusha me fytyrë të errët pas një konfrontimi të shkurtër me drejtorin sportiv Luis Campos. E gjitha kjo për të treguar se francezi nuk e ndjen PSG si shtëpinë e tij.
Lexo më tej: Video/ Milan i prish punë Newcastle, në 1/8 shkon PSG: Dortmund mban vendin e parë, pret biletën edhe Porto
FAJI I CHUKWUEZE
I gjithë faji është i Samuel Chukwueze, i cili me golin e tij në minutën e 84’ i dha Milan një fitore të kotë, por që pati pasoja të rënda në Paris. Aty tani po ngrihen pyetjet se cila mund të jetë e ardhmja e Mbappè me klubet rivale që kanë filluar të mprehin kthetrat e tyre në funksion të verës. Luis Enrique mori përsipër të minimizonte incidentin dhe, siç shpjegohet nga L’Equipe, e mbylli menjëherë çështjen pa ndryshuar mendjen për qëndrimin që duhet të kishte skuadra në minutën e 84’ të një ndeshje që kishte marrë drejtim.
“Është normale që lojtarët të jenë të frustruar, ne kishim 5 raste për të shënuar – shpjegoi trajneri iberik pas ndeshjes -. Kur një lojtar është i frustruar, roli im është të menaxhoj këtë situatë për të shmangur rreziqet që rrjedhin nga ky tension”.