Donald Trump ka mohuar pretendimet e bëra nga regjisori Chris Columbus se ai kërkoi të luante në filmin “Home Alone 2″.
Ish-presidenti amerikan tha në platformën e tij të mediave sociale, se ekipi i prodhimit të filmit i ishte lutur që të bënte një paraqitje të shkurtër.
Reagimi i tij vjen pasi, Columbus në një intervistë për Business Insider zbuloi se pjesëmarrja e tij ishte një kusht për të qenë në gjendje të filmonte brenda hotelit Plaza, mbi tarifën e zakonshme. Por nga ana tjetë Donald deklaroi se ai i kishte dhënë një shtysë të konsiderueshme filmit.
“Kjo shfaqje ndihmoi që filmi të ishte i suksesshëm, por nëse ata e nuk më donin, pse më futën dhe më mbajtën atje për më shumë se 30 vjet? Sepse isha dhe jam akoma i shkëlqyeshëm për filmin, prandaj! ”/Lapsi.al