Reshjet e dendura të borës, bllokohet rruga në Qafë Murrizë
Si pasojë e reshjeve të dendura të dëborës, bypass-i i Qafë Murrizës në rrugën e Arbrit, është bllokuar. Policia njofton se po punohet për hapjen e aksit dhe se lëvizja nga Peshkopia drejt Tiranës do të kryhet nga aksi i vjetër.
“Qarku i Dibrës është përfshirë nga reshje të dendura dëbore duke krijuar vështirësi në qarkullimin e mjeteve. Si pasojë, aksi rrugor bypass Qafë Murrizë, është bllokuar. Borëpastrueset po punojnë për hapjen e aksit dhe lëvizja e mjeteve në drejtim të Tiranës do të kryhet nga aksi i vjetër Klos-Burrel-Shkopet”, njoftoi policia.
Efektivët e uniformave blu thonë se në akset Peshkopi-Maqellarë-Bulqizë dhe Peshkopi-Kala e Dodës-Kukës qarkullimi i makinave bëhet me zinxhirë.
“Borëpastrueset janë në terren për pastrimin e të gjitha akseve rrugore”.
Policia apelon shoferët që të mos qarkullojnë pa goma dimërore, pa mjete antirrëshqitëse dhe të tregojnë kujdes të shtuar pasi ka prezencë akulli në rrugë.
Ministreshi i permbrojtjes qe quhet Leshi-Pe, nje dite para doli dhe beri Nostradamusin qe do kete reshje, permbytje, bore e do permbytet gjithe dynjaja….. dhe Qirje-veria sebashku me gjithe banden presin sa te trashet bora dhe pastaj kismet e hapim ose jo rrugen…….
Tani presim qe lekinda-dallkauku te hypi ne kar-o-atrec te pastroje boren ne TV…….