Në raundin e mesjavës së Premier League, e vlefshme për javën e 22 të kampionatit, Arsenal ka mundur 2-1 Nottingham Forest. Pas një pjese të parë të bllokuar, Gunners arritën të thyejnë ngërçin në pjesën e dytë. Gabriel Jesus u ngjit në katedër, duke hapur lojën në minutën e 65′ dhe më pas braziliani asistoi për golin e dytë të Saka (72′). Goli i Awoniyi në minutën e 89′ ishte i kotë për vendasit. Skuadra e Artetës është momentalisht -2 prapa Liverpool. Sukses i rëndësishëm i Newcastle në transfertën me Aston Villa. 1-3 u imponuan Magpies, në tentativë për tu afruar me zonën europiane. Shembet Brighton 4-0 në shtëpinë e Luton, ndërsa Everton e Fulham u ndanë në paqe.
NOTTINGHAM FOREST-ARSENAL 1-2
Sukses i ngushtë për Arsenal, që mposhti Nottingham Forest 2-1 në transfertë. Skuadra e Mikel Arteta mori menjëherë kontrollin e ndeshjes, me kapitenin Odegaard që provoi me të majtën në minutën e 13′. Të besuarit e Nuno Espirito Santo përdorën energjinë e tyre për t’u mbrojtur në gjysmën e tyre, duke u përpjekur të riniseshin në kundërsulm. Pavarësisht epërsisë së tyre, Arsenal nuk arriti ta griste ndeshjen, me pjesën e parë që u mbyll pa gola, 0-0.
Në pjesën e dytë londinezët ishin afër kalimit në avantazh me Gabriel Jesus, i cili goditi shtyllën në minutën e 57′. Megjithatë, sulmuesi brazilian nuk gaboi tetë minuta më vonë, duke gjetur golin me të majtën. Gol me peshë i Gabriel Jesus, por ish-lojtari i Manchester City u ndez në pjesën e dytë, duke shërbyer në minutën e 72′ edhe asistin për golin e dytë të Bukayo Saka. Në fund, Forest arrin ta rihapë ndeshjen me Awoniyi në minutën e 89′, i asistuar nga Montiel, por ishte tepër vonë. Arsenal fiton 2-1 dhe ngjitet në 46 pikë, momentalisht -2 pas Liverpool, që nesër luan kundër Chelsea. Nottingham, nga ana tjetër, mbetet i mbërthyer në 20 pikë, në vendin e gjashtëmbëdhjetë.
Premier League England
Nottingham Forest 1-2 Arsenal
Fulham 0-0 Everton
Luton Town 4-0 Brighton
Crystal Palace 3-2 Sheffield United
Aston Villa 1-3 Newcastle United