Il Messaggero zbuloi një histori mbi largimin e Jose Mourinho nga Roma. Trajneri portugez në fakt ka lënë në dollapin e kapitenit Pellegrini një objekt me një vlerë simbolike të rëndësishme: unazën që iu dha me rastin e fitores së Conference League.
DHURATA PËR KAPITENIN PELLEGRINI
Largimi i portugezit Mourinho nga Roma vazhdon të lërë pasoja, edhe pas fillimit të shkëlqyer të teknikut De Rossi, i cili ka fituar dy ndeshje nga dy dhe mund t’i bëjë tre sonte. Ndërkohë, Il Messaggero vazhdon të vëzhgojë të kaluarën e Special One dhe sjell një prapaskenë interesante mbi lamtumirën e portugezit nga Trigoria.
Madje, gazeta raporton një send që trajneri e ka lënë në dollapin e kapitenit të skuadrës së tij, Lorenzo Pellegrini. Në fakt, Mou ka lënë në dollapin e kapitenit unazën që skuadra i kishte dhuruar me rastin e fitores së Conference League në vitin 2022 në Tiranë. Bashkangjitur ishte edhe një foto e kompletuar me mbishkrimin: “Kur të bëheni burra do të ma ktheni”.
NJË SEND ME VLERË TË FORTË SIMBOLIKE
Grupi i skuadrës së Romës ia kishte dhënë këtë unazë komandantit të saj në vitin 2022 për ta falënderuar që i solli në atë objektiv, gjë që ishte shumë e rëndësishme për klubin dhe lojtarët duke marrë parasysh se sa kohë kishte që Roma kishte fituar një trofe.
Lexo më tej: Video/ “Tirana është përgjithmonë”: tifozët e Romës e bëjnë Jose Mourinho të qajë
Lënia e unazës në dollapin e kapitenit tregon zhgënjimin e Mou me njerëzit e tij, të cilët e tradhtuan dhe e braktisën në kohë vështirësish, duke përqafuar menjëherë ardhjen e De Rossit në stol.