Juventus u mund 0-1 në shtëpi nga Udinese në ndeshjen e javës së 24 të Serie A. Bardhezinjtë pësojnë humbjen e dytë radhazi në kampionat dhe e shohin veten tani -7 pas kryesuesve të Inter, që kanë edhe një ndeshje për të rikuperuar. Ai që i dha një tjetër goditje të rëndë ambicjeve për titull të bardhezinjve ishte një tjetër Lautaro, këtë herë Giannetti. Mbrojtësi i Udinese gjeti goditjen nën portë që vlen tre pikët në minutën e 25′. Gabimet e Milik dhe pritjet e Okoye vulosën më pas rezultatin.
Humbja e dytë radhazi për Juventus, i ndalur në shtëpi nga Udinese. Kështu Interi e gjen veten me një avantazh prej shtatë pikësh dhe një ndeshje për t’u rikuperuar. Tani Juventus ndjen edhe më shumë presionin ndaj Milan, që është prapa vetëm një pikë larg. Goli i fitores u shënua nga Giannetti, emri i të cilit është Lautaro, në minutën e 25′. Fajtor një largim i keq i topit nga Alex Sandro, që i dha mundësinë mbrojtësit të Udinese të shënonte. Bardhezinjtë krijuan disa raste, shënuan madje me Milik, por goli u anulua se topi kishte kaluar vijën anësore në krosimin nga këndi. Në përgjithësi, ai e Allegrit dha imazhin e një ekipi të ngadaltë me pak ide.
Lexo më tej: Video/ Hernandez shemb Napolin, Simic bën me zemër Piolin: Milan, presion Juventusit për vendin e dytë
Udinese climb out of the relegation zone to hand Juventus their first home loss of the season 😱
Juve’s Scudetto hopes 📉 pic.twitter.com/GNdaA2keaH
— CBS Sports Golazo ⚽️ (@CBSSportsGolazo) February 12, 2024