6 ndeshjet e fundit të Inter: 6 fitore, 17 gola të shënuar, 4 të pësuar. Numrat e ndeshjes kundër Salernitanas: zotërim i topit 73% kundër 27, goditje në portë 10 me zero, totali i goditjeve 26 me 1, këndore 18 me 0. Analiza e ndeshjes së mbrëmshme në San Siro, mjafton që zikaltrit ta përballojnë me optizimëm mbrëmjen e së martës kur rikthehet Champions. Inzaghi e ka të qartë formën e bunkerit me linja të ngushta që aplikon Cholo.
Këtij Interi nuk mund t’i fusë frikën as Simeone i zakonshëm që e njohin të gjithë dhe as ky variant më lojëcak i kohëve të fundit (në Spanjë, ndoshta për ironi, e quajnë futbollin e ri të Atleticos “tiki-Cholo”). Pasi ka bërë dallimet e nevojshme midis cilësive teknike të interpretuesve, sulmi mbi 5-4-1 e ekipit të Liveranit (as në makthet e tij nuk mund ta imagjinonte një debutim të tillë) është një provë e mirë për të demonstruar se si Inzaghi di t’i bëjë lojtarët e tij të interpretojnë çdo lloj rezultati, madje edhe ndaj mbrojtjeve të ngjeshura.
PA TURNOVER
Simone nuk mendon shumë për turnover, të paktën në start. Ai shpluhërosi Dumfries dhe Carlos Augusto në krahë. Me ndeshjen në vazhdim dhe me rezultatin e arritur, do të ketë ende mundësi të shihen në punë Buchanan, Asllani, Klaassen, Arnautovic dhe Sanchez. Lehtësia me të cilën versioni 2023/24 i Inter ndërton aksione shënimi është pothuajse mbresëlënëse. Është gjithashtu e vështirë për të përcaktuar dhe etiketuar llojin e futbollit që luajnë zikaltrit. Spalletti foli për një lojë relacionale dhe sigurisht që nuk gabon, por duket e kufizuar t’i japësh një emër asaj që shihet në fushë.
Lexo më tej: Bombat e letrës i kushtojnë rëndë Inter: Curva Nord ‘në heshtje’, asnjë flamur apo koreografi
Lexime të hapësirave nga lojtarët sipas parimeve të përsëritura në seancat e Appianos, disa veprime të kodifikuara dhe mbi të gjitha një grup që njeh në mënyrë perfekte lëvizjet e të gjithëve dhe përshtatet me to. Kështu lindin inkursionet e qendërmbrojtësve, ndryshimet në pozicionin e atyre në mesfushë, ndryshimet e lojës që nxisin inkursionet e furishme të anësorëve, për të arritur te finalizimet.
LAUTARO DIFERENCUES
Pastaj është iniciativa e individit dhe, ndër shumë, nuk mund të mos përmendet Lautaro shkatërrimtar i këtij sezoni. Ai është tashmë në kuotën 20 në renditjen e shënuesve të Serie A (golashënuesi më i mirë), duke lënë të imagjinohet se mund të thyejë çdo rekord nga tani deri në fund të kampionatit. Golat e tij të përgjithshëm për zikaltrit janë bërë 125. Ai tashmë është në histori, Inter po mundohet të futet. Sigurisht, tani, Atletico e Cholo Simeone është më pak i frikshëm.