Pasditen e 5 marsit Facebook dhe Instagram u përfshinë nga një seri problemesh. Shumë përdorues nuk ishin në gjendje të hynin në faqet e tyre sociale. Duke u përpjekur të hapnin aplikacionin, ekrani nuk ngarkohej, por shfaqej një faqe bosh. Qindra mijëra njerëz u dyndën në X (ish-Twitter) për të raportuar keqfunksionimet e produkteve të Meta-s në vende të ndryshme të botës. Pas rreth dy orësh shërbimet u kthyen në normalitet.
Edhe vetë Andy Stone, menaxheri i komunikimit i grupit Meta, përdori X për të njoftuar problemin në platformat e tij, po edhe kthimin në normalitet. Padyshim që Meta kërkoi ndjesë për dëmtimin.
Earlier today, a technical issue caused people to have difficulty accessing some of our services. We resolved the issue as quickly as possible for everyone who was impacted, and we apologize for any inconvenience. https://t.co/ybyyAZNAMn
— Andy Stone (@andymstone) March 5, 2024
Përdorimi i ish-Twitter-it për të dhënë këtë lajm u përdor menjëherë nga Elon Musk për të tallur konkurrentët përmes një postimi ironik.
— Elon Musk (@elonmusk) March 5, 2024
Në rastin e Facebook, faqja dhe aplikacioni e shkëputën automatikisht përdoruesin kur ata përpiqeshin të identifikoheshin. Nëse përpiqeshe të fusje përsëri kredencialet e hyrjes, mesazhi ishte: “Fjalëkalimi që futët është i pasaktë”. Në disa raste thuhej: “Ndodhi një gabim i papritur, ju lutemi provoni të identifikoheni përsëri.”
Ndërsa në rastin e Instagram-it, mijëra përdorues raportuan se nuk ishin në gjendje të ngarkonin të dhëna apo të shikonin “story”-t. Edhe Threds po ashtu ishte në rënie. Shumë më pak përdorues raportuan probleme. Në këtë rast ka pasur vështirësi me aksesin në aplikacion dhe faqen e internetit. ©LAPSI.al
Facebook te vjedh te dhenat. Se kuptoj si vazhdojne e perdorin.
ti vjedhin te gjithe, google, fb, twitter, apple, yahoo etj etj.
Fb vetem i ka dale nami 🙂