Kapiteni i Chelsea, Conor Gallagher është akuzuar për racizëm, pasi një video nga ndeshja me Burnley qarkulloi në internet, duke shkaktuar debate. Chelsea ka marrë një qëndrim për incidentin me një deklaratë.
GALLAGHER I AKUZUAR PËR RACIZËM
Prej disa ditësh në rrjetet sociale po qarkullon një video ku shihet kapiteni i Chelsea, Conor Gallagher, në tunelin e Stamford Bridge para ndeshjes kundër Burnley, duke mos i dhënë dorën një fëmije me ngjyrë. Videoja në fjalë ka ndezur një debat të madh në Angli, nëse gjesti i Gallagher ndaj fëmijës ishte apo jo i qëllimshëm. Duke parë pamjet, shihet futbollisti i Chelsea duke zbritur shkallët, duke përshëndetur një fëmijë në shkallë dhe duke i rënë lehtë në shpatull fëmijës me ngjyrë, që po i shtrinte dorën. Gallagher duket se e pa dorën e shtrirë, por kthehet nga fëmija tjetër që i kishte thënë diçka.
Conor Gallagher 👀
Is this intentional ?pic.twitter.com/kUrDZhJnJ2— Adithya Reddy (fan) (@AdithyaReddy_20) April 3, 2024
Lexo më tej: Pochettino pranon dështimin te Chelsea: “E ardhmja ime nuk varet më nga unë”
CHELSEA MERR POZICION
Gallagher u akuzua për racizëm nga disa përdorues, ndërsa të tjerë thanë se gjesti i tij nuk ishte i qëllimshëm. Edhe Chelsea shprehu opinionin e tij për këtë çështje dhe me një deklaratë zyrtare donte të sqaronte episodin: “Chelsea Football Club është në dijeni të një videoje që qarkullon në rrjetet sociale në lidhje me ndeshjen e së shtunës kundër Burnely. Një video e cila është tërësisht jashtë kontekstit. Vargu i mëvonshëm i abuzimeve dhe komenteve shpifëse ndaj Conor Gallagher është krejtësisht i papranueshëm. Ne jemi krenarë që jemi një klub i larmishëm, gjithëpërfshirës, ku njerëzit e të gjitha kulturave, komuniteteve dhe identiteteve ndihen të mirëpritur”.
Club statement.
— Chelsea FC (@ChelseaFC) April 3, 2024