Massimilano Allegri ishte protagonist i një tjetër shpërthimi emocional në dhomat e zhveshjes pas fitores së Juventus përballë Fiorentinës. Një sukses 1-0, i zakonshmi “minimalist” për bardhezinjtë, që i la pakënaqësi trajnerit, i cili sipas asaj që raporton La Gazzetta dello Sport, ka dashur menjëherë të sqarojë disa pika themelore me skuadrën e tij. Siç ka ndodhur tashmë në të kaluarën, në fakt, pas fishkëllimës së fundit, Allegri mblodhi skuadrën e tij në dhomat e zhveshjes dhe shpërtheu inatin e tij në një fjalim të gjatë me lojtarët në lidhje me rëniet e përqendrimit të para në një pjesë të dytë të dobët, e cila rrezikoi të kthente në lojë lojtarët e teknikut Italiano.
Fjalë dhe zemërim, ai i trajnerit, që mbeti mes mureve dhe njerëzve të pranishëm në dhomat e zhveshjes, por që, sipas asaj, që rezulton kishte si qëllim t’i thërriste të gjithë në ndjenjën maksimale të përgjegjësisë për të mbajtur vëmendjen lart.
Lexo më tej: Allegri i shuan ëndërrat Juventusit: “Champions i ri e pamundur të fitohet, ja përse”
Gazeta, në fakt, shkruan se Allegri ishte i bezdisur nga 45’ e dyta të lojës, më pak brilante dhe me shumë rreziqe të ndërmarra në fund. Një ndeshje e cila, sipas trajnerit, duhet të luhej me egërsi më të madhe për t’u mbyllur sa më parë e për të mos u dhënë shpresë toskanëve.
Pas shpërthimit të zemërimit, Allegri u qetësua dhe doli para kamerave për intervistat e zakonshme, në të cilat sigurisht në terma më të qetë se ato që përdori në dhomat e zhveshjes, nënvizoi: “Në fund rrezikuam të barazojmë, gabuam disa kundërsulme”.
According to La Gazzetta dello Sport, Massimiliano Allegri once again raged at Juventus players after Sunday’s win over Fiorentina saying that they should have killed off the game earlier. https://t.co/JxdPQMe5BR #Juve #Juventus #Allegri
— Football Italia (@footballitalia) April 8, 2024