Siç dihet, edicioni aktual do të jetë edicioni i fundit i UEFA Champions League me formatin klasik. Nga sezoni i ardhshëm, në fakt, formati i ri do të fillojë me një grup të vetëm prej tridhjetë e gjashtë skuadrash, ku tetë më të mirat do të kualifikohen drejtpërdrejt në fazën e 1/8 të finaleve dhe skuadrat nga e nënta në të njëzetekatërtën do të vendosen për të luajtur në play-off. Komentet e teknikut të Juventus Max Allegri për The Athletic vijnë në këtë drejtim dhe i shuajnë ëndërrat juventinëve.
ALLEGRI: “CHAMPIONS I RI I PAMUNDUR PËR TU FITUAR”
“Me reformën e Champions League, ta fitosh do të jetë pothuajse e pamundur”, ka arsyetuar trajneri i Juventusit. “Do të jetë një format i stilit të tenisit, një garë mes tetë më të mirëve dhe nuk ka gjasa që njëri prej tyre të dështojë të fitojë. Ata duan të sigurohen që tetë të parët të shkojnë në fund, sepse duan të fokusohen te spektakli”.
Lexo më tej: Paradoksi i madh te Juventus, Allegri qendron pavarësisht se 85% e tifozëve nuk e duan më
“HENDEK I PAKALUESHËM MES SERIE A E PREMIER”
“Kapërcimi i hendekut me Premier League është i pamundur – vazhdoi Allegri –. Ndaj duhet të vazhdojmë në këtë drejtim, duke punuar në zhvillimin e të rinjve. Këtë vit kemi shumë prej tyre në ekipin e parë dhe në ekipet e tjera të Serie A. Kur u ktheva te Juventus, më kërkuan të rinovoja skuadrën, kjo është rruga që duhet të ndjekë futbolli për të qenë i qëndrueshëm dhe klubi ka bërë një punë të shkëlqyer”.