Teksa ka pak dyshime se Kylian Mbappe do të veshë fanellën e Real Madridit, për tifozët e ekipit spanjoll asgjë nuk është e sigurt derisa kontrata të shpallet publikisht. Të zhgënjyer nga dy tentativat e mëparshme për të marrë Mbappen, të dështuara në momentet e fundit, edhe pse sot duket më e sigurt se kurrë se francezi do veshë fanellën e bardhë, vetëm nënshkrimi zyrtar do ti çojë madrilenët të qetë drejt sezonit të ardhshëm.
Dhe prej javësh flitet se çka pengon zyrtarizimin e nënshkrimit të Mbappe është Champions League.
Gjithçka lidhet me fatin e Paris Saint-Germain në Champions League, i përfshirë në ndeshjen e dytë çerekfinale kundër Barcelonës këtë mbrëmje.
Lexo më tej: Champions/ PSG i var shpresat te Mbappé për të përmbysur Barçën: Atletico duhet të rezistojë në Dortmund
Kylian Mbappe nuk mund të zbulojë asgjë për të ardhmen e tij për t’u përqendruar në kompeticionin më të rëndësishëm europian. Teorikisht, për sa kohë Mbappe luan në një ekip që mund të ndeshet me Real Madridin në Champions, ai s’mund të deklarojë se vitin tjetër do të luajë për ekipin kundërshtar. Kjo është marrëveshja e heshtur e Mbappes me presidentin Al-Khelaifi të PSG-së, që mban në ankth tifozët madrilenë.
Për këtë arsye, për ironi, Reali i Madridit pothuajse do ta gjejë veten duke bërë tifo për Barçën.
Negociatat mes Mbappes dhe Real Madridit raportohet se janë mbyllur prej disa javësh dhe në kryeqytetin spanjoll po presin me ankth yllin francez. Madrilenët shpresojnë se kësaj radhe nuk do ta prishë ndonjë mega-ofertë financiare dakordësinë për kalimin tek Reali i Madridit. E pra, zyrtarizimi i Mbappes me Realin jo vetëm do të shërbente për të “mbuluar” një eliminim të mundshëm ndaj Manchester Cityt të mërkurën, por edhe do ti jepte përfundimisht fund dyshimeve nëse ekuacioni Kylian Mbappe-Real Madrid është i mundur. ©LAPSI.AL