Atalanta mposhti Romën 2-1 në një ndeshje të drejtpërdrejtë për t’u kualifikuar në edicionin e ardhshëm të Champions League. Skuadra e teknikut Gasperini, me një orë dominim tekniko-taktik, kapitalizoi dygolëshin e De Ketelaere, në dy minuta mes minutës së 18′ dhe të 20′ të pjesës së parë. Bergamaskët madje humbën disa herë goditjen e KO të ndalur dy herë nga shtylla. Roma megjithatë rihapi ndeshjen në rastin e parë të paraqitur, me një penallti të kapitenit Pellegrini. Verdhekuqtë iu afruan barazimit në fund. Sidoqoftë, Bologna dhe Juventus, nga shtëpia, mund të festojnë kualifikimin e tyre në kompeticionin më të lartë evropian.
Një paraqitje stratosferike nga Charles De Ketelaere, dygolësh dhe shtyllë, i jep tre pikë Atalantës, që mundi Romën 2-1. Bergamaskët bënë kështu një hap themelor përpara drejt Champions League (në të cilën Juve dhe Bologna hyjnë zyrtarisht falë humbjes së verdhekuqve), duke u shkëputur 3 pikë nga skuadra e teknikut De Rossi. Roma gjithësesi ka ende për të rikuperuar ndeshjen ndaj Fiorentinës.
The celebrations had already started 😉
Well done once again, @BolognaFC1909en 👏 pic.twitter.com/cVaBn8lWAs
— Lega Serie A (@SerieA_EN) May 12, 2024
Lexo më tej: Video/ Juventus nuk di më të fitojë: Rabiot eviton në shtesë turpërimin me Salernitanën e rënë në B
Në rast të një arritje me pikë të barabarta, Atalanta do të shkonte në Champions League falë avantazhit të tyre në ndeshjet direkte (1-1 në ndeshjen e parë në Olimpico). Një ndeshje me sens unik, e dominuar nga zikaltrit të cilët megjithatë nuk e mbyllën takimin dhe rrezikuan, pas penalltisë së shënuar nga Pellegrini në minutën e 66′, një rikthim të bujshëm të kryeqytetasve.