Jemi mësuar të dëgjojmë për goditje të fuqishme të futbollistëve, që arrijnë shpejtësi impresionuese. Por të paktën ata përdorin këmbët, ndryshe nga volejbollistja e Italisë Paola Egonu, që ka regjistruar një zhytje rekord. Gjatë ndeshjes së Ligës së Kombeve mes Brazilit dhe Italisë, e fituar nga kombëtarja e gjelbër dhe e artë, Egonu rishkroi rekordin e shpejtësisë dhe fuqisë për një sulm. Në setin e 3, kur rezultati ishte 12-12, ajo realizoi një gjuajtje diagonale me një shpejtësi mbresëlënëse prej 116 km/h.
Në fund të ndeshjes, për Egonu 29 pikë (3 blloqe, 1 ace), por që nuk ndihmoi Italinë të fitonte. Rekordin që u thye e mbante po vetë Egonu dhe e kishte arritur po përsëri në një ndeshje kundër Brazilit. Ishte finalja e Ligës së Kombeve të vitit 2022, e fituar 3-0 nga italianet, me Paolën që lëshoi një goditje mbresëlënëse prej 112.7 km/h. Shpejtësi e frikshme, por më e ulët se ajo e regjistruar dje.