Nga njëra anë klubi, nga ana tjetër tifozët. Bayern Munich është i ndarë në gjysmë. Arsyeja e “përçarjes” ka të bëjë me të ardhmen e një lojtari në skuadër: Matthijs De Ligt. Çfarë duhet bërë me mbrojtësin holandez po bëhet një çështje polarizuese për klubin bavarez. Ish-lojtari i Juventus nuk është më pjesë e planeve të klubit, i cili thuhet se po mendon ta shesë te Manchester United. Një opsion që nuk aprovohet nga shumë tifozë, të cilët kanë vendosur t’i drejtohen drejtpërdrejt drejtuesve të klubit me një peticion. E përmbajtja e mesazhit të tyre është mjaft e qartë: “Ne duam që Matthijs de Ligt të qëndrojë te Bayern Munich!”.
E ARDHMJA E DE LIGT PËRÇAN BAYERN
Sipas TuttoSport, De Ligt në fakt ka përfunduar jashtë projektit të gjermanëve. Në të njëjtën kohë, Manchester United ka shfaqur interes për ish-lojtarin e Juventus dhe është gati të vendosë në tryezë një ofertë të rëndësishme: rreth 50 milionë euro (përfshirë bonuset). Një propozim tërheqës për Bayern, që mund ta riinvestojë menjëherë këtë shumë te Tah, kapitenin e kampionëve të Gjermanisë, Leverkusen. Por është një strategji e mundshme që ka gjetur mosaprovimin e një pjesë të konsiderueshme të tifozëve: shumë mbështetës e kanë kundërshtuar me një deklaratë drejtuar drejtpërdrejt klubit.
PETICIONI I TIFOZËVE: “SHITJA DO ISHTE VENDIM I TMERRSHËM”
Kjo, siç raporton TuttoSport, është përmbajtja e mesazhit: “Të gjithë duam që Matthijs de Ligt të qëndrojë te Bayern Munich! Ai ka dëshmuar të jetë një mbrojtës i klasit botëror, ndoshta më i miri në ekipin tonë. Ka një arsye pse ai u zgjodh lojtari ynë më i mirë në sezonin 2022-23, për më tepër, ai është vetëm 24 vjeç dhe ka një të ardhme të ndritur përpara tij, të cilën do ta përdorë për të realizuar potencialin e tij të madh. Pastaj përsëri: “Në moshën 19-vjeçare ai tashmë e ka udhëhequr Ajax në gjysmëfinalen e UCL si kapiten. Shitja e Matthijs De Ligt do të ishte një vendim absolutisht i tmerrshëm dhe ne patjetër do të pendoheshim. Kjo është arsyeja pse ne përdorim zërin tonë për të tërhequr vëmendjen ndaj faktin që të mos e bëjmë këtë gabim!”.