Trupi i pajetë i alpinistit nga Kosova, që humbi jetën pasi ra nga lartësia, është nxjerrë ditën e sotme. Dyshohet se për shkak të terrenit të thepisur malor, 30-vjeçari Liridon Azemi nga Podujeva ra nga një lartësi një ditë më parë dhe për pasojë kishte humbur jetën.
Kërkimet për Azemin kanë vijuar që prej mëngjesit të sotëm. Ngjarja e rëndë ndodhi ditën e premte (26 korrik), në vendin e quajtur “Maja e thatë” mbi Valbonë. Ndërkohë mësohet se tre persona të tjerë të cilët kishin mbetur të bllokuar janë nxjerrë në gjendje të mirë shëndetësore.